बोगस मतदारांना चाप बसणार, आधार मतदान कार्डासोबत लिंक कसे करायचे?
अखेर लोकसभेने बोगस मतदारांना आणि त्यांच्या जीवावर उड्या मारणा-या नेत्यांना चाप लावलाच. बोगस मतदार हुडकून काढण्यासाठी आधारकार्ड आणि मतदार ओळखपत्र जोडण्यात येणार आहे. त्यामुळे गल्ली ते दिल्ली होणा-या निवडणुकींमधील बोगसगिरीला आळा बसेल. तर पाहूयात कसे लिंक करायचे आधारकार्ड तुमच्या मतदान कार्डसोबत
मुंबई : अखेर निवडणूक आयोगाच्या एका महत्वपूर्ण सूचनेला केंद्राने मुर्त रुप दिले आणि नवीन सुधारणा येऊ घातल्या आहेत. या नवीन सुधारणा आपल्या लोकशाहीसाठी मोठ्या पोषक आहेत. निवडणूक कायद्यात सुधारणा करण्याच्या निवडणूक आयोगाच्या प्रस्तावाला केंद्र सरकारने मंजुरी दिली आहे. मतदान ओळखपत्र आणि आधारकार्ड यांच्या लिकिंगचा हा प्रस्ताव होता. केंद्राने हिरवी झेंडी दिल्याने या दोन कार्डच्या जोडणीचा मार्ग मोकळा झाला आहे.
ही प्रक्रिया पूर्णतः ऐच्छिक असली तरी बोगस मतदानाला चाप लावण्यासाठी आपण सर्वांनी मतदान ओळखपत्रासोबत आधार कार्डची नोंदणी करुन घ्यावी आणि बोगस मतदार हुडकून काढण्याच्या या मोहिमेत सहभागी व्हावे. निवडणूक आयोगाने आधार कार्डसोबत मतदान ओळखपत्र जोडण्याची दुरूस्ती ही 2019 साली सुचवली होती. मतदानात होणारी गडबडी आणि बोगस मतदानाच्या प्रक्राराला आळा घालण्यासाठी ही दुरुस्ती सुचविण्यात आली होती. मात्र तीन वर्षात या प्रस्तावाला हात लावण्यात आला नाही. 2015 सालीच निवडणूक आयोगाने राष्ट्रीय निवडणूक कायद्यातंर्गत यासंबंधीची मोहीम राबविली. परंतु त्याला सर्वोच्च न्यायालयात आव्हान देण्यात आले होते. त्यानंतर हा कार्यक्रम थांबविण्यात आला होता. लोकसभेत या बिलाला मंजुरी मिळाली असली तरी आधारकार्डसोबत मतदान कार्डची ओळख संपूर्णतः ऐच्छिक ठेवली आहे. तर
ही प्रक्रिया कशी करायची ते पाहुयात
सर्वात अगोदर https://voteportal.eci.gov.in आयोगाच्या या संकेतस्थळावर जा त्यानंतर Mobile no/ email / Voter ID No यामाध्यमातून पासवर्डसह लॉगइन करा सर्व माहिती भरल्यानंतर Search बटणावर क्लिक करा. सरकारकडे असलेला तुमचा डाटा जुळल्यास तो स्क्रीनवर दिसेल ‘Feed Aadhaar No’ या पर्यायावर क्लिक करा एक नवीन पेज तुमच्या समोर उघडेल. त्याठिकाणी आधारकार्डवरील तुमच्या नावाची अचूक या ठिकाणी नोंद करायची आहे. एकदा जमा केलेली माहिती अचूक आहे का याची खात्री करा आणि सबमिट बटण दाबा त्यानंतर स्क्रीनवर तुमचे रजिस्ट्रेशन झाल्याची माहिती दिसेल. संबंधीत बातम्या :
Lord Shiva Puja | आयुष्यात यश मिळवायचे असेल तर सोमवारी हे उपाय नक्की करुन पाहा
