धक्कादायक! कार आणि लक्झरी बसचा भीषण अपघात, 4 जणांचा जागीच मृत्यू

धक्कादायक! कार आणि लक्झरी बसचा भीषण अपघात, 4 जणांचा जागीच मृत्यू

या घटनेमुळे संपूर्ण परिसरात खळबळ उडाली असून पोलीस तपास सुरू असल्याची माहिती देण्यात आली आहे.

टीव्ही 9 मराठी डिजीटल टीम

| Edited By:

Feb 01, 2021 | 7:56 AM

भिवंडी : थंडीमध्ये वाढत्या धुकांमुळे अपघाताच्या प्रमाणांमध्ये वाढ झाल्याचं समोर आलं आहे. मुंबई-नाशिक महामार्गावर नाशिकहुन मुंबईच्या दिशेने भरधाव जात असलेली कार दुभाजकावरून उडून विरुद्ध दिशेने जाणाऱ्या एका लक्झरी बसली धडकली. या भीषण अपघातामध्ये तब्बल 4 जणांचा मृत्यू झाल्याची बातमी देण्यात आली आहे. या घटनेमुळे संपूर्ण परिसरात खळबळ उडाली असून पोलीस तपास सुरू असल्याची माहिती देण्यात आली आहे. (Accident news Car and luxury bus crash kills 4 on the spot in bhiwandi)

मिळालेल्या माहितीनुसार, कार चालकाचं कारवरील नियंत्रण सुटल्याने रस्ता दुभाजकावरून कार उडून विरुद्ध दिशेने गेली. यावेळी नाशिकच्या दिशेने जाणाऱ्या लक्झरी बसला तिची धडक झाली. या अपघातामध्ये 4 जणांचा जागीच मृत्यू झाल्याचं माहिती देण्यात आली आहे. घटनास्थळी कोनगावं पोलीस दाखल झाले असून मृतांची ओळख पटवण्याचं काम सुरू आहे.

या भीषण अपघातामुळे रस्त्यावर थोडा वेळा वाहतूक कोंडी पाहायला मिळाली. खरंतर, थंडीचे दिवस असल्यामुळे परिसरात मोठ्या प्रमाणात धूकं पाहायला मिळतं. त्यामुळे वाहनं हळू चालवा अशा सूचना वारंवार देण्यात येतात. पण तरीदेखील गाडीच्या वेगावर काही नियंत्रण ठेवलं जात नाही आणि त्यामुळे अशा अपघातांना समोर जावं लागतं.

पोलिसांनी दिलेल्या माहितीनुसार, घटनास्थळावरून 4 मृतदेह ताब्यात घेतले असून ते शवविच्छेदनासाठी नजिकच्या भिवंडी आयजीएम हॉस्पिटल इथं दाखल करण्यात आलं आहे. तर जखमींवरही उपचार सुरू आहे. दरम्यान, पोलिसही प्रकरणाचा पुढील तपास करत असल्याची माहिती देण्यात आली आहे. (Accident news Car and luxury bus crash kills 4 on the spot in bhiwandi)

संबंधित बातम्या – 

छत्तीसगडच्या माजी मंत्र्याच्या सून आणि नातीची हत्या, बंद घरात मृतदेह सापडले

‘तुला अक्कल नाही का?’ म्हणताच पोलिसांवर जीवघेणा हल्ला; पुणे हादरले

आधी हत्या, नंतर मृतदेह जाळण्याचा प्रयत्न; माजी नगरेवकाच्या आईच्या खुनामुळे परिसरात खळबळ

(Accident news Car and luxury bus crash kills 4 on the spot in bhiwandi)

Follow us on

Most Read Stories

Click on your DTH Provider to Add TV9 MARATHI

राज्य चुनें