एक कोटी द्या नाही तर बॉम्बने उडवून देऊ; भाजप नेते गिरीश महाजन यांना धमकी

'एक कोटी रुपये द्या, अन्यथा बॉम्बने उडवून देऊ,' अशी धमकी भाजप नेते आणि माजी मंत्री गिरीश महाजन यांना देण्यात आली आहे.

एक कोटी द्या नाही तर बॉम्बने उडवून देऊ; भाजप नेते गिरीश महाजन यांना धमकी
गिरीश महाजन, भाजप नेते.
भीमराव गवळी

|

Oct 14, 2020 | 12:46 PM

जळगाव: ‘एक कोटी रुपये द्या, अन्यथा बॉम्बने उडवून देऊ,’ अशी धमकी भाजप नेते आणि माजी मंत्री गिरीश महाजन यांना देण्यात आली आहे. त्यामुळे एकच खळबळ उडाली असून धमकी देणाऱ्याचा शोध घेण्यात येत आहे. (Bomb threat calls to Girish Mahajan)

जामनेरमध्ये जी. एम. फाऊंडेशच्या ग्लोबल हॉस्पिटलचे उद्घाटन करण्यात आले होते. या कार्यक्रमाला विरोधी पक्षनेते देवेंद्र फडणवीसही उपस्थित होते. यावेळी गिरीश महाजन यांचे स्वीय सहायक दीपक तायडे यांना आलेल्या निनावी फोनवरून ही धमकी देण्यात आली. गिरीश महाजन यांना एक कोटी रुपये द्यायला सांग. नाही तर त्यांना बॉम्बने उडवून देऊन, असं धमकावणाऱ्याने तायडेंना सांगितलं. खंडणीसाठी धमकावणाऱ्याने केवळ फोनच केला नाही तर त्याच फोनवर धमकावणारा मेसेजही पाठवला. सायंकाळी 5 वाजेपर्यंत एक कोटी रुपये द्या नाही तर बॉम्ब ब्लास्ट करू, अशी धमकी यावेळी देण्यात आली होती, अशी माहिती तायडे यांनी दिली. धमकी देणारा हिंदीत बोलत होता, असंही त्यांनी सांगितलं.

दरम्यान, याप्रकरणी जामनेर पोलीस ठाण्यात गुन्हा दाखल करण्यात आला असून अधिक तपास सुरू आहे. याप्रकरणी महाजन यांनी काहीही प्रतिक्रिया व्यक्त केलेली नाही. तसेच त्यांनी कुणावरही संशय व्यक्त केला नाही. घटनेनंतर घटनास्थळावर पोलिसांचा मोठा बंदोबस्त ठेवण्यात आला होता. प्रत्येक संशयितांची कसून चौकशी केली जात होती. (Bomb threat calls to Girish Mahajan)

संबंधित बातम्या :

गिरीश महाजनांच्या घरी गुप्त बैठक सुरु, वैयक्तिक कारणांमुळे बैठकीला दांडी – एकनाथ खडसे

भाजपचे ‘संकटमोचक’ अपघातग्रस्ताच्या मदतीला, गिरीश महाजनांमुळे बाईकस्वारावर वेळीच उपचार

वादळाचा कोकणाला मोठा फटका, 100 कोटींच्या मदतीने काही होणार नाही : गिरीश महाजन

(Bomb threat calls to Girish Mahajan)

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें