Corona Update : देशभरात गेल्या 24 तासात 1,486 नवे रुग्ण, कोरोनाबाधितांचा आकडा 20,471 वर

देशभरात गेल्या 24 तासात 1,486 नवे कोरोनाबाधित रुग्ण आढळले आहेत (Corona Patients in India). त्यामुळे देशातील कोरोनाबाधित रुग्णांची संख्या 20,471 वर पोहोचली आहे.

Corona Update : देशभरात गेल्या 24 तासात 1,486 नवे रुग्ण, कोरोनाबाधितांचा आकडा 20,471 वर

नवी दिल्ली : देशात कोरोनाचा प्रादुर्भाव दिवसागणिक वाढत चालला आहे (Corona Patients in India). देशभरात गेल्या 24 तासात 1,486 नवे कोरोनाबाधित रुग्ण आढळले आहेत. देशातील कोरोनाबाधित रुग्णांची संख्या 20,471 वर पोहोचली असून आतापर्यंत 652 रुग्णांचा कोरोनामुळे मृत्यू झाला आहे. यामध्ये 49 रुग्णांचा मृत्यू गेल्या 24 तासात झाला आहे. दरम्यान, देशभरात सध्या 15,859 कोरोनाबाधित रुगणांवर उपचार सुरु आहे, अशी माहिती केंद्रीय आरोग्य विभागाच्या वेबसाईटवर देण्यात आली आहे (Corona Patients in India).

महाराष्ट्रात दिवसभरात 150 रुग्णांना डिस्चार्ज

कोरोनाबाधितांचा आकडा एकीकडे वाढत असताना महाराष्ट्रात एक दिलासादायक माहिती समोर आली आहे. राज्यात आज दिवसभरता तब्बल 150 रुग्णांना डिस्चार्ज देण्यात आला आहे. त्यामुळे राज्यात डिस्चार्ज देण्यात आलेल्या रुग्णांची संख्या 722 वर पोहोचली आहे. आतापर्यंत डिस्चार्ज देण्यात आलेल्या 722 जणांपैकी सर्वाधिक 441 पुरुष आहे, तर 281 या महिला आहेत. त्यामध्ये 31 ते 50 या वयोगटातील 318 रुग्णांचा समावेश आहे. त्या खालोखाल 21 ते 30 वयोगटातील 160 रुग्ण बरे झाले आहेत. तर 98 रुग्ण हे 51 ते 60 वयोगटातील आहेत. महत्त्वाची बाब म्हणजे 91 ते 100 वयोगटातील एका तरुणानेही कोरोनावर मात केली आहे, अशी माहिती आरोग्यमंत्री राजेश टोपे यांनी दिली

हरियाणा राज्यात 153 रुग्णांना डिस्चार्ज 

दरम्यान, हरियाणा राज्यात आतापर्यंत 260 कोरोनाबाधित रुग्ण आढळले असून यापैकी 153 रुग्णांना डिस्चार्ज देण्यात आला आहे, अशी माहिती हरियाणाचे मुख्यमंत्री मनोहरलाल खट्टर यांनी दिली. राज्यात आतापर्यंत 3 रुग्णांचा कोरोनामुळे मृत्यू झाला आहे, अशीदेखील माहिती मुख्यमंत्र्यांनी दिली.

कर्नाटक राज्यात आज 9 नवे कोरोनाबाधित

कर्नाटक राज्यात आज संध्याकाळी 5 वाजेपर्यंत दिवसभरात 9 नवे कोरोनाबाधित रुग्ण आढळले आहेत. त्यामुळे राज्यातील कोरोनाबाधितांचा आकडा 427 वर पोहोचला आहे, अशी माहिती कर्नाटक सरकारकडून देण्यात आली आहे.

संबंधित बातम्या :

राज्यातील 722 रुग्ण कोरोनामुक्त, बरे होऊन घरी परतणाऱ्यांमध्येही सर्वाधिक मुंबईकर

रामदास आठवलेंच्या ताफ्यातील पोलिसाला कोरोनाची लागण, राज्यभरात 62 पोलिसांना कोरोना

पिंपरी चिंचवडमध्ये तरुणांना कोरोनाचा विळखा, एकूण 64 रुग्णांपैकी तरुण रुग्णांची संख्या…

डॉक्टरांवर हल्ला केल्यास 7 वर्षांपर्यंत तुरुंगवास, जामीनही नाही, मोदी सरकारचा मोठा निर्णय

Read Full Article

Click on your DTH Provider to Add TV9 MARATHI