कोबी तीन रुपये किलो, टोमॅटो दहा रुपयांखाली, नवी मुंबई APMC मार्केटमध्ये भाज्यांच्या किमती गडगडल्या

कोबी तीन रुपये किलो, टोमॅटो दहा रुपयांखाली, नवी मुंबई APMC मार्केटमध्ये भाज्यांच्या किमती गडगडल्या

दोन दिवस मुसळधार कोसळणाऱ्या पावसाचा फटका मुंबईसह नवी मुंबईलाही बसला (APMC Market food rate decrease) आहे.

सचिन पाटील

| Edited By:

Aug 07, 2020 | 10:28 AM

नवी मुंबई : दोन दिवस मुसळधार कोसळणाऱ्या पावसाचा फटका मुंबईसह नवी मुंबईलाही बसला (APMC Market food rate decrease) आहे. त्यासोबतच नवी मुंबईतील एपीएमसी मार्केटलाही याचा मोठा फटका बसल्याचे दिसत आहे. पावसामुळे एपीएमसी भाजीपाला घाऊक बाजारात भाजीपाल्यांच्या दरात 70 टक्क्यांची घसरण झाली आहे. त्यामुळे भाज्या आता स्वस्त झाल्या आहेत. तर बाजारात 50 टक्के माल अजूनही शिल्लक राहिला आहे. त्यामुळे व्यापाऱ्यांचे मोठे नुकसान झाले आहे (APMC Market food rate decrease).

दोन दिवसात कोबीचा भाव 3 रुपये किलो, टोमॅटो 5 ते 10 रुपये किलो, पडवळ 8 रुपये किलो, भेंडी 10 रुपये किलो, फरसबी 12 रुपये किलो, वांगी 5 रुपये किलो, दुधी 7 रुपये किलो या किमती सध्या बाजारात विक्रीसाठी चालू आहेत.

मुंबई कृषी उत्पन्न बाजार समितीमध्ये भाजीपाल्याची आवक 275 गाड्यांची आहे. तसेच दरही 60 ते 70 टक्क्यांनी उतरले आहेत. साधारणपणे लॉकडाऊन काळात बाजारात 300 गाड्यांची आवक असतात. आज एपीएमसी भाजीपाला मार्केटमध्ये 275 गाड्याची आवक झाली असून बाजारात मोठ्या प्रमाणात भावात घसरण झाली आहे. त्यामुळे 15 दिवसांपासून महागड्या भाज्या खरेदी करणाऱ्यांना आता दिलासा मिळत आहे.

“या दोन दिवसात आमचं खूप पटीने नुकसान झालं आहे. जवळजवळ 50% माल तसाच शिल्लक राहिला आहे. या वादळीपावसामुळे कोणी मार्केटमध्ये खरेदी करायला आलं नाही आणि बाजारामध्ये 70% घसरण झाली आहे. 30% माल असाच ठेवून कुजून जात आहे, त्यामुळे माल फेकावा लागत आहे. या पावसामुळे एपीएमसी भाजीपाला घाऊक मार्केटमध्ये देखील खूप नुकसान झालं आहे. ग्राहक नसल्या कारणाने माल ठेवून ठेवून खराब होऊन फेकायला लागत आहे”, असं व्यापारी रविंद्र जाधव यांनी सांगितले.

घाऊक बाजारातील किलोचे दर रुपयांत

लाल भोपळा 5 ते 7

भेंडी नं. 1- 15 ते 18

भेंडी नं. 2- 10 ते 12

फ्लॉवर 5 ते 8

कोबी 3 ते 5

दुधी भोपळा 7 ते 9

टोमॅटो 5 ते 10

वांगी 5 ते 7

तोंडली 8 ते 10

पडवळ 8 ते 10

ढोबळी मिरची 10 ते 15

कारली 8 ते 10

संबंधित बातम्या : 

नवी मुंबईत चार महिन्यांनी मॉल सुरु, एका दिवसात बंद

Navi Mumbai Rain | नवी मुंबईत मुसळधार पाऊस, रस्त्यावर झाड पडल्याने वाहतूक कोंडी

Follow us on

Most Read Stories

Click on your DTH Provider to Add TV9 MARATHI

राज्य चुनें