‘तुला पाहून घेईन’ या वाक्याला धमकी मानता येणार नाही : हायकोर्ट

अहमदाबाद : तुमचा कुणाशी वाद झाला किंवा राग आला असेल तर तुम्ही काय म्हणता? सर्वसाधारणपणे अनेकांचं हेच उत्तर असतं की ‘तुला पाहून घेईन’. ही एखाद्याला धमकी वाटते तर कुणी आपापल्या पद्धतीने अर्थ लावतो. पण कुणी तुम्हाला असा इशारा दिला असेल तर घाबरु नका. कारण, या वाक्याला गुन्हेगारी धमकी मानण्यास गुजरात हायकोर्टाने नकार दिलाय. गुजरात हायकोर्टाने एका वकिलाविरोधात दाखल केलेल्या एफआयआरला अवैध ठरवत हा निर्णय दिला.

‘तुला पाहून घेईन’ हे वाक्य अनेकांच्या जिव्हारी लागतं आणि हे वाक्य बोलणाराविरोधात धमकी दिल्याचा गुन्हाही अनेकदा दाखल केला जातो. पण गुजरात हायकोर्टाच्या निर्णयामुळे आता ही धमकी ठरवली जाणार आहे. ‘तुला पाहून घेईन’ हे वाक्य धमकी असू शकत नाही. धमकी ती असते, ज्यामुळे पीडिताच्या मनात भीती निर्माण होईल. पण या प्रकरणात अशी कोणतीही घटना समोर आलेली नाही. या वाक्याला गुन्हेगारी धमकी समजली जाऊ शकत नाही, असं निरीक्षण नोंदवत कोर्टाने एफआयआर रद्द केला.

या प्रकरणातील वकील मोहसीन 2017 मध्ये तुरुंगात बंद असलेल्या त्यांच्या क्लाएंटला भेटायला गेले होते. पोलिसांनी वकिलांनी कैद्यासोबत भेट नाकारली. यावर दोन्ही बाजूने शाब्दिक वाद झाला. रागात असलेल्या वकिलाने तुम्हाला पाहून घेईन, अशी धमकी पोलिसांना दिली. यानंतर पोलिसांनी वकिलाविरोधात सरकारी कामात अडथळा आणणे आणि कर्तव्यावर असलेल्या अधिकाऱ्याला रोखल्याचा गुन्हा दाखल केला होता.

व्हिडीओ पाहा