मी माफी कशाला मागू? राहुल गांधींच्या नाराजीनंतर कमलनाथांचा प्रतिप्रश्न

कमलनाथ यांनी आपल्या 'आयटम' या आक्षेपार्ह टिप्पणीवर माफी मागण्यास नकार दिला असून उलट 'मी माफी का मागू?' असा प्रतिप्रश्न केला आहे.

मी माफी कशाला मागू? राहुल गांधींच्या नाराजीनंतर कमलनाथांचा प्रतिप्रश्न

भोपाळ : मध्य प्रदेशचे माजी मुख्यमंत्री कमलनाथ (kamal Nath) यांनी भाजपच्या इमरती देवी यांच्याबद्दल आक्षेपार्ह विधान केल्यानंतर मध्य प्रदेशातील राजकारण चांगलंच तापलं आहे. भाजप नेत्या इमरती देवी यांच्याविषयी बोलताना त्यांनी ‘आयटम’ हा शब्दप्रयोग केला होता. काँग्रेसचे माजी अध्यक्ष राहुल गांधी (Rahul Gandhi) यांनीदेखील कमलनाथ यांच्या वक्तव्यावर नाराजी व्यक्त केली असून त्यांची भाषा आवडली नसल्यांच म्हटलं आहे. असं असलं तरी कमलनाथ यांनी आपल्या ‘आयटम’ या टिप्पणीवर माफी मागण्यास नकार दिला असून उलट ‘मी माफी का मागू?’ असा प्रतिप्रश्न केला आहे. (kamal Nath refused to apologize for offensive remarks on bjp female candidate asked Why should I apologize?)

मी माफी का मागू ?- कमलनाथ

कमलनाथ यांचं वक्तव्य मला वैयक्तिक पातळीवर आवडलं नाही, असं राहुल गांधी म्हणाले होते. त्यानंतर कमलनाथ यांनी राहुल गांधींच्या वक्तव्यावर स्पष्टीकरण दिलं आहे. “राहुल गांधी जे म्हणाले ती त्यांची वैयक्तिक भूमिका आहे. मी माझ्या  त्या वक्तव्यावर या आधीच सविस्तर स्पष्टीकरण दिलेलं आहे. माझा कुणाचा अपमान करण्याचा उद्देश नव्हता. त्यामुळे मी माफी का मागू ? कुणाला वाईट वाटले असेल तर त्याबद्दल मी याआधीच दिलगिरी व्यक्त केली आहे.”

राहुल गांधी कमलनाथ यांच्या वक्तव्यावर काय म्हणाले ?

राहुल गांधी यांनी कमलनाथ यांच्या वक्तव्यावर जाहीर नाराजी व्यक्त केली. ते म्हणाले, “कमालनाथ माझ्या पक्षाचे आहेत. पण वैयक्तिक पातळीवर मला त्यांचे वक्तव्य आवडले नाही. काहीजरी झालं तरी कमलनाथ यांचं बोलणं दुर्दैवी असून त्यांच्या वक्तव्याशी मी असहमत आहे.”

कमलनाथ काय म्हणाले होते?

मध्य प्रदेशच्या डबरा मतदारसंघात काँग्रेसकडून सुरेंद्र राजेश उमेदवार आहेत. त्यांच्या प्रचारासाठी आले असताना कमलनाथ बोलत होते. ते म्हणाले, “‘सुरेंद्र राजेश आमचे उमेदवार आहेत. ते सरळ साध्या स्वभावाचे आहेत. ते त्यांच्यासारखे नाहीत, काय आहे त्यांचं नाव? मी त्यांचं काय नाव घेऊ, तुम्ही तर त्यांना माझ्यापेक्षा चांगलं ओळखता. तुम्ही तर मला आधीच सावध करायला हवं होतं, ‘काय आयटम आहे’.” मध्य प्रदेशात विधानसभेच्या पोटनिवडणुका होणार आहेत. या पार्श्वभूमीवर कमलनाथ यांच्या या वक्तव्यामुळे तिथं वातावरण चांगलंच तापलं आहे.

संबंधित बातम्या :

आक्षेपार्ह वक्तव्याबद्दल कमलनाथ यांची अखेर दिलगिरी, राष्ट्रीय महिला आयोगाकडून मात्र नोटीस

एक नेता ‘टंच माल’, तर दुसरा ‘आयटम’ म्हणतोय, गांधी कुटुंब आता गप्प का? : स्मृती इराणी

इमरती देवींचं नाव आठवलं नाही म्हणून ‘आयटम’ बोललो- कमलनाथ

(kamal Nath refused to apologize for offensive remarks on bjp female candidate asked Why should I apologize?)

Published On - 6:00 am, Tue, 20 October 20

Click on your DTH Provider to Add TV9 MARATHI