Corona Update : महाराष्ट्रातील कोरोना रुग्णांचा आकडा 15 हजार 525 वर, दिवसभरात 841 नवे रुग्ण

मुंबई : महाराष्ट्रात आज (5 मे) कोरोनाच्या 841 नव्या रुग्णांची नोंद झाली आहे. यासह राज्यातील एकूण कोरोनाबाधित रुग्णांची संख्या 15 हजार 525 झाली आहे (Latest Corona Updates of Maharashtra). आज राज्यात 354 कोरोनाबाधित रुग्ण उपचारानंतर बरे झाले असून त्यांना घरी सोडण्यात आले आहे. आतापर्यंत राज्यभरात एकूण 2 हजार 819 रुग्ण बरे झाले आहेत, अशी माहिती आरोग्यमंत्री राजेश टोपे यांनी दिली.

आजपर्यंत राज्यात एकूण 1 लाख 82 हजार 884 नमुन्यांच्या कोरोना चाचणी झाल्या आहेत. यापैकी 1 लाख 67 हजार 205 जणांचे कोरोना अहवाल निगेटिव्ह आले आहेत. तसेच 15 हजार 525 जणांना कोरोना संसर्ग झाल्याचं स्पष्ट झालं आहे. खबरदारीचा उपाय म्हणून राज्यात एकूण 1 लाख 99 हजार 182 लोक होम क्वारंटाईनमध्ये आहेत. 12 हजार 456 लोक संस्थात्मक क्वारंटाईनमध्ये आहेत.

दरम्यान, आज राज्यात 34 कोरोना बाधित रुग्णांचा मृत्यू झाला आहे. यासह राज्यातील एकूण कोरोना बाधितांच्या मृत्यूची संख्या 617 झाली आहे. आज झालेल्या मृत्यूपैकी मुंबईमधील 26, पुण्यातील 6, औरंगाबाद शहरात 1 तर कोल्हापूरमध्ये 1 मृत्यू झाला आहे. आज झालेल्या मृत्यूंपैकी 24 पुरुष तर 10 महिला आहेत. आज झालेल्या 34 मृत्यूंपैकी 60 वर्षे किंवा त्यावरील 14 रुग्ण आहेत तर 16 रुग्ण हे वय वर्षे 40 ते 59 या वयोगटातील आहेत. 4 जण 40 वर्षांखालील आहेत. 34 रुग्णांपैकी 28 जणांमध्ये ( 82 टक्के) मधुमेह, उच्च रक्तदाब, हृदयरोग, अशा स्वरुपाचे अतिजोखमीचे आजार आढळले आहेत

राज्यातील ज्या भागात रुग्णांचे क्लस्टर सापडले आहेत त्या ठिकाणी क्लस्टर कंटेनमेंट कृतियोजना अंमलात आणण्यात येत आहे. राज्यात सध्या 943 कंटेनमेंट झोन क्रियाशील आहेत. आज एकूण 11 हजार 629 सर्वेक्षण पथकांनी काम केले. त्यांनी 50.81 लाख लोकसंख्येचे सर्वेक्षण केले आहे.

कोरोनाची अद्ययावत आकडेवारी :

संबंधित बातम्या :

Pune Corona : पुण्यात 24 तासात 99 नवे रुग्ण, 8 ते 10 दिवसात रुग्णांची संख्या वाढण्याची भीती

कोरोना विषाणूवर लस तयार, इस्त्रायलच्या संरक्षण मंत्र्यांचा दावा

Malegaon Corona Update | मालेगावला कोरोनाचा विळखा, पाच दिवसात 152 रुग्णांची वाढ

दिल्लीत आयटीबीपी जवानांभोवती कोरोनाचा विळखा, 45 जणांना कोरोनाचा संसर्ग, 167 जण क्वारंटाईन

Latest Corona Updates of Maharashtra