दारुची 14 दुकानं सील तरीही नाशिकच्या लिकर किंगला अटक नाही; एक्साईज विभागाच्या भूमिकेवरुन उलटसुलट चर्चा

नाशिक : शहरातील लिकर किंग म्हणून ओळख असलेल्या अतुल मदनवर नाशिकच्या एक्साईज (Liquor King Atul Madan) विभागाची मेहेरबानी सध्या चर्चेचा विषय ठरली आहे. सर्वसामान्यांना किरकोळ गुन्ह्यांसाठी खाक्या दाखवणाऱ्या उत्पादन शुल्क विभागाने, लिकर किंग अतुल मदनचे शहरातील तब्बल 14 दारु दुकानं सील केल्यानंतर देखील त्याला अद्याप अटक न केल्याने मदनवरच्या कारवाईबाबत संशय व्यक्त होत आहे. दोन दिवसांपूर्वीच ग्रामीण पोलिसांनी अवैध मद्यसाठा करणारा ट्रक पकडल्यानंतर हा प्रकार समोर आला आहे (Liquor King Atul Madan).

ग्रामीण पोलीस अधीक्षक सचिन पाटील यांनी गेल्या आठवड्यात नाशिक हद्दीत पशू खाद्याच्या ट्रकमधून जाणारा अवैध मद्यसाठा पकडला होता. विशेष म्हणजे लाखो रुपयांचा हा मद्यसाठा शहरातील एकाच दारु दुकान मालकाच्या दुकानांमध्ये जात होता. नाशिकच्या ग्रामीण पोलीस अधीक्षकांनी केलेल्या कारवाईने अवैध मद्यविक्री करणाऱ्याचे धाबे दणाणले आहेत.

नाशिक जिल्हाधिकाऱ्यांनी देखील या प्रकरणाची सखोल चौकशी करुन लिकर किंग अतुल मदन यांच्या मालकीच्या 14 दारु दुकानांना सील करत धडक कारवाई केली. दरम्यान, एकीकडे ग्रामीण पोलीस अधीक्षक, जिल्हाधिकारी यांनी थेट कारवाई केलेली असताना, उत्पादन शुल्क विभाग मात्र अतुल मदन यांच्याकडून खुलासा आल्यानंतर अटक करु, अशा डिफेनसिव्ह मोडमध्ये का आहे, हे मात्र गुलदस्त्यात आहे.

यापूर्वी देखील निवडणुकीच्या काळात आणि इतर वेळेस देखील अनेकदा कारवाया झाल्या. मात्र, गल्लीपासून दिल्लीपर्यंत अधिकारी आणि नेत्यांना मॅनेज करत मदनने आपले हात पुन्हा दगडा खालून काढून घेतल्याची चर्चा आहे. इतर किरकोळ गुन्ह्यांमध्ये लोकांना खाक्या दाखवणाऱ्या उत्पादन शुल्क विभागाने मदनबाबत मात्र एवढा सॉफ्ट कॉर्नर का दाखवला, असा सवाल आहे.

अकोल्यात दारु पिताना वाद, अकोल्यात कुख्यात आरोपीची दगडाने ठेचून हत्या, दोघांना अटकhttps://t.co/E0oNnYz425@AkolaPolice #AkolaCrime #CrimeNews

— TV9 Marathi (@TV9Marathi) October 31, 2020

Liquor King Atul Madan

संबंधित बातम्या :

नशेबाजीसाठी नवनवीन क्लुप्त्या; शितपेयामध्ये औषध टाकून नशा

मद्यधुंद अवस्थेत मुलीवर कुऱ्हाडीने वार करत हत्या, बापाची पोलिसांसमोर कबुली