नवीन PAN 2.0 कसे काढायचे? घरबसल्या करा अर्ज, प्रोसेस जाणून घ्या

नवीन पॅन 2.0 काढायचे आहे का? मग त्याची प्रोसेस काय आहे? पॅन 2.0 कसे बनवतात? या सर्व प्रश्नांची उत्तर आज आम्ही तुम्हाला देणार आहोत. पॅन 2.0 उपक्रम हा एक ई-गव्हर्नन्स प्रकल्प आहे, ज्याचा उद्देश करदात्यांच्या नोंदणीकृत सेवांमध्ये बदल करणे आहे.

new pancard

एस. कुलकर्णी | Edited By: Atul Kamble | Updated on: Dec 15, 2024 | 4:08 PM

तुम्हाला नवीन पॅन 2.0 काढायचे आहे का? मग ही बातमी वाचा. तुमचे अर्धे काम इथेच पूर्ण होईल. तुम्हाला काहीही करायचे नाही. ही माहिती संपूर्ण वाचली की तुमच्या सगळ्या प्रश्नांची उत्तर तुम्हाला मिळतील आणि तुम्ही अगदी सहज पॅन 2.0 काढू शकतात.

केंद्र सरकारने पॅन सर्वांना उपलब्ध करून देण्यासाठी आणि त्याची कार्यक्षमता सुधारण्यासाठी पॅन 2.0 प्रकल्प सुरू केला आहे. नवीन पॅन अंतर्गत QR कोड जोडण्यात आला आहे, ज्याअंतर्गत तुम्ही स्कॅन करून सर्व माहिती मिळवू शकता.

QR कोड असलेल्या सिस्टीममुळे तुम्हाला अनेक महत्त्वाची कामे करणे सोपे जाईल. पॅन 2.0 प्रकल्पांतर्गत सुमारे 1435 कोटी रुपये खर्च होण्याची सरकारची अपेक्षा आहे.

नवीन पॅन कार्ड सादर करण्याचे कारण म्हणजे भारताला डिजिटलदृष्ट्या सक्षम करणे आणि आयकर विभागाचे कामकाज सुरळीत करण्यास मदत करणे. पॅन 2.0 उपक्रम हा एक ई-गव्हर्नन्स प्रकल्प आहे ज्याचा उद्देश करदात्यांच्या नोंदणीकृत सेवांमध्ये बदल करणे आहे.

पॅन (स्थायी खाते क्रमांक) आणि टॅन (कर वजावट आणि संकलन खाते क्रमांक) प्रणाली नोंदणीकृत प्लॅटफॉर्ममध्ये एकत्रित करून, डेटा सुरक्षा सुनिश्चित करताना प्रक्रिया सुलभ करणे हे प्रकल्पाचे उद्दीष्ट आहे.

पॅन 2.0 संबंधित काही महत्वाचे प्रश्न

प्रश्न: जुने पॅन अवैध ठरेल का?

उत्तर: नाही, जुन्या पॅन कार्डवर याचा कोणताही परिणाम होणार नाही, पण जुन्या युजर्सची इच्छा असेल तर ते या पॅन कार्डसाठी अर्ज करू शकतात. ही पूर्णपणे ऑनलाईन प्रक्रिया आहे. जे अर्ज केल्यानंतर लगेचच आपल्या नोंदणीकृत ई-मेलवर पाठवले जाते.

प्रश्न: नवीन पॅनकार्ड कुठून मिळेल?

उत्तर: तुम्हालाही QR कोडसह पॅन कार्ड बनवायचे असेल तर तुम्ही ऑनलाईन अर्ज करू शकता. हे पॅन तुमच्या मेलवर पाठवले जाईल किंवा तुम्ही एनएसडीएलच्या वेबसाइटवरूनही डाऊनलोड करू शकता.

प्रश्न: किती शुल्क आकारले जाईल?

उत्तर: ही सेवा पॅन जारी केल्यापासून 30 दिवसांच्या आत तीन विनंत्यांसाठी विनामूल्य आहे. त्यानंतर च्या विनंतीवर जीएसटीसह 8.26 रुपये शुल्क आकारले जाईल. मात्र फिजिकल पॅन कार्ड हवं असेल तर त्यासाठी तुम्हाला 50 रुपये फी भरावी लागणार आहे.