Palghar Mob Lynching | पालघर साधू हत्याकांड प्रकरणी अटकेतील 53 जणांना जामीन
एप्रिल महिन्यात गडचिंचले गावात जमावाने केलेल्या हल्ल्यात दोन साधू आणि त्यांच्या ड्रायव्हरचा मृत्यू झाला होता
ठाणे : पालघरमधील साधू हत्याकांड (गडचिंचले झुंडबळी) प्रकरणात अटक झालेल्या 53 जणांना ठाण्यातील विशेष कोर्टाने जामीन मंजूर केला आहे. एप्रिल महिन्यात पालघर जिल्ह्यातील गडचिंचले गावात जमावाने केलेल्या जीवघेण्या हल्ल्यात दोन साधू आणि त्यांच्या ड्रायव्हरचा मृत्यू झाला होता. (Palghar mob lynching case special court in Thane granted bail to 53 persons arrested)
पालघरमध्ये जमावाने केलेल्या दोन साधूंसह तिघांच्या हत्येप्रकरणी राज्य सरकारकडून गेल्या महिन्यात सुप्रीम कोर्टात नव्याने प्रतिज्ञापत्र सादर करण्यात आले होते. त्यामध्ये राज्य सरकारने या प्रकरणात पोलिसांवर काय कारवाई केली याची माहिती दिली होती.
सरकारने दिलेल्या माहितीनुसार आतापर्यंत 15 पोलिसांच्या पगारामध्ये कपात करण्याची शिक्षा देण्यात आली आहे. एका वरिष्ठ पोलीस अधिकाऱ्याला निलंबित केले आहे, तर दोन जणांना सेवा निवृत्तीवर पाठवले आहे.
A special court in Thane granted bail to 53 persons arrested in the #Palghar mob lynching case, in which two sadhus and their driver were killed at a village in Maharashtra’s Palghar district.#palgharmoblynching
— Live Law (@LiveLawIndia) November 26, 2020
काय आहे प्रकरण?
गडचिंचले गावात चोर-दरोडेखोर शिरल्याची अफवा पसरल्यानंतर गावकऱ्यांनी एकत्रितपणे पहारा देण्याचा निर्णय घेतला होता. 16 एप्रिल रोजी रात्री उशिरा इको गाडी दाभाडी-खानवेल मार्गावरुन जात होती. या गाडीत वाहन चालकासह तिघे जण होते. (Palghar mob lynching case special court in Thane granted bail to 53 persons arrested)
दाभाडी-खानवेल मार्गावर मोठ्या जमावाने त्यांची गाडी अडवली. त्यांची पूर्णपणे विचारपूस न करताच चोर समजून त्यांच्यावर दगडफेक आणि लाठ्यांनी हल्ला केला. या हल्ल्यात तिघांचा मृत्यू झाला. पालघरच्या डहाणू तालुक्यातील गडचिंचले गावात ही घटना घडली होती.
पालघरच्या कासा पोलिसांना या घटनेची माहिती मिळाली. त्यांनी तातडीने घटनास्थळी धाव घेत जमावाला शांत करण्याचा प्रयत्न केला. मात्र, जमावाने पोलिसांवरही हल्ला केला. पोलिसांच्या गाडीवर दगडफेक केली. अखेर पोलिसांनी मोठा फौजफाटा तैनात करत 101 जणांना ताब्यात घेतलं होतं. यातील 9 आरोपी 18 वर्षाखालील असल्याने त्यांना भिवंडीच्या बालसुधारगृहात पाठवण्यात आले
संबंधित बातम्या :
पालघरमध्ये चोर-दरोडेखोर असल्याच्या अफवेतून तिघांची हत्या, 101 आरोपींना पोलीस कोठडी
Palghar Mob Lynching | गडचिंचले झुंडबळी प्रकरणी दोषारोपपत्र दाखल
(Palghar mob lynching case special court in Thane granted bail to 53 persons arrested)
