राऊतांनी विचारलं रामदास आठवले कुठेत?, आठवले मैदानात उतरुन उत्तर देणार
हाथरस प्रकरणावरून रामदास आठवले कुठे आहेत असं विचारणाऱ्या संजय राऊत यांना प्रत्यक्ष मैदानावर उतरून आठवले उत्तर देणार आहेत. (Ramdas Athawales reply to Sanjay raut on his comment on Hathras Rape)
मुंबई : हाथरस प्रकरणावरून शिवसेना खासदार संजय राऊत यांनी केंद्रीय मंत्री रामदास आठवले यांच्यावर निशाणा साधत नटीसाठी भांडणारे आठवले कुठे आहेत?, अशी विचारणा केली होती. त्यानंतर आता रामदास आठवले हाथरसमधील पीडित मुलीवर झालेल्या अमानुष अत्याचाराच्याविरोधात 1 ऑक्टोबरला मुंबईतल्या आझाद मैदानावर आंदोलन करणार आहेत. प्रत्यक्ष मैदानावर उतरून आठवले राऊतां उत्तर देणार आहेत. (Ramdas Athawales reply to Sanjay raut on his comment on Hathras Rape)
हाथरसमधील पीडित दलित मुलीवर झालेल्या अमानुष अत्याचाराच्या विरोधात 1 ऑक्टोबरला दुपारी 1 वाजता मुंबईतल्या आझाद मैदानवर रिपब्लिकन पक्षातर्फे निषेध आंदोलन करण्यात येणार आहे, अशी माहिती रामदास आठवले यांनी ट्विट करून दिली आहे. तसंच 2 ऑक्टोबरला आठवले पीडित मुलीच्या कुटुंबियांची सांत्वनपर भेट घेणार आहेत.
“पीडित मुलीच्या न्यायाच्या मागणीसाठी 3 ऑक्टोबरला उत्तर प्रदेशचे मुख्यमंत्री योगी आदित्यनाथ आणि राज्यपाल आनंदीबेन पटेल यांची मी भेट घेणार आहे”, असं आठवलेंनी सांगितलं. “हाथरसमधील दलित युवतीच्या अत्याचार आणि हत्येच्या अमानुष गुन्ह्याचा खटला जलदगती न्यायालयात चालवावा तसंच आरोपींना फाशीची शिक्षा दिली जावी ही आमची मागणी” असल्याचं आठवलेंनी सांगितलं.
हाथरस मधील पीडित दलित मुलीवर झालेल्या अमानुष अत्याचाराच्या विरुद्ध दि.1 ऑक्टोबर दुपारी 1 वाजता आझाद मैदान मुंबई येथे रिपब्लिकन पक्षातर्फे निषेध आंदोलन करण्यात येणार आहे.
— Dr.Ramdas Athawale (@RamdasAthawale) September 30, 2020
येत्या दि.3 ऑक्टोबर रोजी लखनौ येथे उत्तर प्रदेश चे मुख्यमंत्री योगी आदित्यनाथ आणि युपी च्या राज्यपाल माननीय आनंदीबेन पटेल यांची भेट घेणार आहे. हाथरसमधील दलित युवतीच्या अत्याचार आणि हत्येच्या अमानुष गुन्ह्याचा खटला जलदगती न्यायालयात चालवावा;आरोपींना फाशीची शिक्षा ही मागणी आहे.
— Dr.Ramdas Athawale (@RamdasAthawale) September 30, 2020
“हाथरस बलात्कार घटनेप्रकरणी मला कुठेही ट्वीटवर किंवा मीडियात आंदोलन छेडलेलं दिसत नाही. रामदास आठवले कुठे आहेत. अभिनेत्रीच्या घरी जाऊन तिला सुरक्षा देत होते, त्यांचे कार्यकर्ते स्वागतासाठी गेले होते. काल राजभवनात गेले होते. या देशातील एकेकाळी लढणारी खंबीर अनुसूचित जमातीतील चळवळ आज निस्तेज होताना दिसत आहे”, अशी टीका हाथरस प्रकरणावरून राऊतांनी आठवले यांच्यावर केली होती.
जर कोणत्या अभिनेत्रीच्या घराची कौल जरी उडवली तरी सुद्धा अन्याय, अत्याचार असं म्हटलं जातं. त्याप्रकरणी आवाज उठवला जातो. मग आता का नाही, असा सवाल देखील राऊत यांनी आठवलेंना विचारला होता. (Ramdas Athawales reply to Sanjay raut on his comment on Hathras Rape)
संबंधित बातम्या
नटीच्या घराची कौलं उडवली तरी आंदोलन, हाथरस प्रकरणानंतर आठवले कुठे गेले? संजय राऊतांचा निशाणा
UP GANGRAPE CASE | स्मृती इराणी गप्प का? नेटकऱ्यांची इराणींवर टीकेची झोड, राजीनामा देण्याची मागणी
