शिर्डीत 8 लाख भक्तांकडून साईबाबांचं दर्शन, 11 दिवसात 16 कोटींपेक्षा अधिक दान

शिर्डीत ख्रिसमस सुट्टी आणि नवीन वर्षाच्या स्‍वागतासाठी आलेल्या साईभक्तांनी बाबांना भरभरुन दान (shirdi saibaba donation) दिलं आहे.

शिर्डीत 8 लाख भक्तांकडून साईबाबांचं दर्शन, 11 दिवसात 16 कोटींपेक्षा अधिक दान
Namrata Patil

|

Jan 03, 2020 | 9:25 PM

अहमदनगर : शिर्डीत ख्रिसमस सुट्टी आणि नवीन वर्षाच्या स्‍वागतासाठी आलेल्या साईभक्तांनी बाबांना भरभरुन दान (shirdi saibaba donation) दिलं आहे. गेल्या अकरा दिवसात आलेल्या साईभक्तांनी जवळपास 16 कोटी 93 लाख रुपये साईचरणी अर्पण केले आहेत. या दानात सोने चांदीचाही समावेश आहे. विशेष म्हणजे गेल्या वर्षीच्या तुलनेत यंदाच्या वर्षीच्या दानात 3 कोटींनी वाढ झाली आहे. देशात सर्वत्र आर्थिक मंदी असताना साईंच्या झोळीत मात्र कोटींचे दान प्राप्त झालं (shirdi saibaba donation) आहे.

ख्रिसमसची सुट्टी त्यासोबतच नववर्षाच्या स्वागतासाठी 23 डिसेंबर ते 02 जानेवारी 2020 या काळात सुमारे 8 लाख साईभक्तांनी साईबाबांच्या समाधीचं दर्शन घेतले. या 11 दिवसांच्या कालावधीत साईभक्तांनी 16 कोटी 93 लाख रुपयांचे दान साईचरणी अर्पण केलं आहे. याशिवाय 12 किलो सोनं आणि 17 किलो चांदी साईबाबांना अर्पण करण्यात आलं आहे.

साईंच्या झोळीत 2019 या वर्षात 292 कोटी रुपये दानाच्या स्वरुपात प्राप्त झाले आहे. दिवसेंदिवस साईंच्या दानात वाढ होत असून 2300 कोटींच्या ठेवी विविध बँकांत जमा असल्याची माहिती दिपक मुगळीकर मुख्य कार्यकारी अधिकारी यांनी दिली (shirdi saibaba donation)  आहे.

साईंच्या चरणी दान

    • दानपेटीत – 9 कोटी 54 लाख
    • देगणी कांऊटरवर – 3 कोटी 46 लाख
    • चेक,डिडी, मनिऑर्डरद्वारे – 1 कोटी 51 लाख
    • डेबीट/ क्रेडीट कार्ड – 1 कोटी 38 लाख
    • ऑनलाईन देणगी – 73 लाख
    • परकीय चलन – 24 लाख
    • सोने – 1 किलो 213 ग्रॅम ( 42 लाख )
    • चांदी – 17 किलो ( 24 लाख )

एकूण रक्कम – 16 कोटी 93 लाख (11 दिवस)

Follow us on

Most Read Stories

Click on your DTH Provider to Add TV9 MARATHI

राज्य चुनें