केसांना आवळा लावताना या ३ गोष्टी लक्षात ठेवा, अन्यथा पडु शकते टक्कल

प्रत्येकाला आपले केस मजबुत आणि मऊ सिल्की असावे असे वाटते. यासाठी अनेकजण केसांची काळजी घेताना अनेक प्रकारच्या प्रॉडक्टचा वापर करत असतात. त्यातच काही लोक ही घरगुती उपायांचा वापर सर्वाधिक प्रमाणात करायला लागले आहेत. अशातच केसांच्या चांगल्या वाढीसाठी आवळ्याचा वापर करत असतात. आवळ्यापासून तयार करण्यात आलेले घरगूती प्रॉडक्ट केसांवर लावतो. कारण आवळा केसांसाठी उत्कृष्ट मानला जातो. व्हिटॅमिन सी व्यतिरिक्त त्यात भरपूर प्रमाणात अँटीऑक्सिडंट्स असतात, जे केसांना मजबुत आणि निरोगी बनवण्यासाठी फायदेशीर असतात. आवळ्याचा नियमित वापर केसांना जाड, चमकदार बनवण्यास आणि केस गळती रोखण्यास मदत करतात. मात्र तुम्ही या गोष्‍टी देखील लक्षात घेतल्या पाहिजे की, जर ते योग्यरित्या केसांना लावले नाही तर तुमच्या केसांना नुकसान पोहोचू शकते. त्यामुळे केसांवर आवळ्याचा वापर करताना या चुका टाळा.

डोक्यात खाज सुटणे आणि जळजळ होणे

आवळ्यामध्ये ताजेपणा आणि थंडावा देणारे गुणधर्म आहेत. त्यामुळे तुम्ही जेव्हा केसांना आवळ्याचे प्रॉडक्ट लावता तेव्हा जास्त प्रमाणात वापर केल्यास काहींना टाळूमध्ये खाज सुटणे, जळजळ होणे किंवा सूज येऊ शकते. विशेषतः, जर तुमची टाळू संवेदनशील असेल तर आवळा जास्त वापरू नका. आवळा मर्यादित प्रमाणात वापरा.

अ‍ॅलर्जीचा धोका

काही लोकांना आवळ्याची अ‍ॅलर्जी असू शकते. आवळा केसांना वापरण्यापूर्वी तुम्हाला त्याची अ‍ॅलर्जी आहे की नाही हे जाणून घेणे महत्त्वाचे आहे. जर तुम्ही पहिल्यांदाच आवळा वापरत असाल तर तुमच्या त्वचेवर थोड्या प्रमाणात आवळा लावून पॅच टेस्ट करा. त्यांनतरच आवळ्याचा वापर करा अन्यथा करू नये.

केसांचा रंग बदलणे

आवळ्यामध्ये असे गुणधर्म आहेत जे केसांचा रंग गडद करण्यास मदत करतात. जर तुमचे केस पांढरे असतील तर ते तुमचे केस काळे होऊ शकतात. पण जर तुम्ही आधीच तुमच्या केसांवर कोणताही बाजारात मिळणारे हेअर कलरचा वापर केला असेल तर आवळ्‌याच्या वापराने तुमच्या केसांचा रंग खराब करू शकतो.

आवळ्याचा योग्य वापर

• आवळा मर्यादित प्रमाणात वापर करा. याचा जास्त वापर केल्याने टाळूला नुकसान होऊ शकते.
• आवळा वापर केसांवर केल्यानंतर केस व डोके पूर्णपणे स्वच्छ धुणे महत्वाचे आहे.
• आवळ्‌याचा थेट वापर केसांवर करण्यापूर्वी कोणत्याही प्रकारची ऍलर्जी किंवा इतर कोणतेही रिअॅक्शन टाळण्यासाठी तुमच्या स्कॅल्पवर थोडेसे लावून पॅच टेस्ट करा. त्यानंतर कोणतेही रिॲक्‍शन येत असेल तर आवळ्‌याचा वापर टाळा.

( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)