एसी किती तापमानावर ठेवावा? जेणेकरून सर्दी-खोकला होणार नाही अन् वीज बिलही कमी येईल

आता जवळपास सर्वांच्याच घरी एसी असतोच. कारण उन्हाळ्यात तर एअर कंडिशनरची थंड हवा वरदानापेक्षा कमी नसते. पण काहीवेळेला सतत एसीच्या हवेत राहिल्याने किंवा आवश्यकतेपेक्षा जास्त एसी थंड असल्याने आरोग्यावर वाईट परिणाम होतो, सर्दी-खोकला होतो शिवाय वीज बिलही भरपूर प्रमाणात येतं. पण जर एसचं योग्य तापमन माहित असेल तर नक्कीच आपल्या या दोन्ही समस्या सुटू शकतात. पाहुयात याबाबत तज्ज्ञ काय म्हणतात ते.

खूप थंड तापमानाचा आरोग्यावर काय परिणाम होतो?

तज्ज्ञांच्या मते खूप कमी तापमानात एसी चालवल्याने शरीराच्या नैसर्गिक उष्णता संतुलन प्रणालीवर परिणाम होतो. जेव्हा आपण 18-19 अंशावर एसीचं तापमान असलेल्या खोलीतून बाहेर पडतो आणि थेट 40 ते 45 अंश तापमानाच्या उन्हात जातो तेव्हा शरीराच्या तापमानाचा धक्का बसतो. यामुळे थंडी, थकवा जाणवणे, सतत घाम येणे, श्वास घेण्यास त्रास होणे आणि अवयवांवर दबाव येणे किंवा वारंवार दुखणे असे आजार होऊ लागतात.

AC चं योग्य तापमान किती असावं?

एसीचं योग्य तापमान हे 22 ते 24 अंशांच्या दरम्यान चालवणे चांगले. हे तापमान केवळ आरामदायी नाही तर शरीरासाठी सुरक्षित देखील आहे. हा फरक इतका जास्त नसावा की शरीराला ते स्विकारणे कठीण होईल.

तापमानाचा अंदाज चुकला तर अस्वस्थ वाटू शकतं…

खोलीतील सूर्यप्रकाशानुसार थंडपणा हवा असण्याची गरज बदलू शकते. जर खोली थेट सूर्यप्रकाशात असेल तर थोडी जास्त थंडीची आवश्यकता असू शकते. कारण त्या खोलीत गरम तापमानही तेवढंच असणार. तर काही आरोग्य समस्या असलेल्या लोकांना खोलीत झोपल्याने श्वासोच्छवासावर आणि झोपेच्या गुणवत्तेवर परिणाम होऊ शकतो. एसीचे तापमान बाहेरील तापमानाच्या जितके जवळ असेल तितके ते चांगले राहील. यामुळे शरीराला थंड तापमानाचा त्रास होणार नाही शिवाय विजेचा वापर देखील कमी होईल.आणि परिणामी विजबीलही कमी येईल. अर्थात ते तुम्ही किती वेळ AC वापरता यावरही वीज बिल अवलंबून असतं.