उन्हाळ्यात त्वचेसाठी फायदेशीर ठरतो दुधी भोपळा, एकदा…

प्रत्येकाला नैसर्गिक चमकदार त्वचा हवी असते, परंतु जेव्हा आपण चेहऱ्याचे सौंदर्य वाढवण्यासाठी दररोज बाजारातील उत्पादने वापरतो तेव्हा चेहरा काही क्षणांसाठीच चमकू शकतो, परंतु या उत्पादनांमध्ये असलेल्या रसायनांमुळे त्वचेला अनेक वेळा नुकसान देखील होऊ शकते. जर आपण नैसर्गिक चमकाबद्दल बोललो तर यासाठी शरीराला आतून डिटॉक्स करणे देखील आवश्यक आहे. त्वचेच्या तेजासाठी नैसर्गिक गोष्टी अधिक प्रभावी मानल्या जातात आणि म्हणूनच आमच्या आजी घरगुती उपचारांचा वापर करत असत. जर तुम्हाला चमकदार त्वचा मिळवायची असेल तर आम्ही तुम्हाला सांगतो की उन्हाळ्यातील भोपळ्याची भाजी तुमच्यासाठी खूप उपयुक्त ठरू शकते.

दुधी भोपळ्याचे नव ऐकताच लोक नाक मुरडतात, परंतु तुम्हाला माहिती आहे का? दुधी भोपळा खाल्ल्यामुळे तुमच्या आरोग्याला भरपूर फायदा होतो. तुम्हाला जर त्वचेसंबंधित समस्या होत असतील तर तुम्ही दुधी भोपळ्याचा समावेश केल्यामुळे तुमच्या त्वचेसंबंधित सर्व समस्या दूर होतात. उन्हाळ्यात त्वचेची काळजी घेणे अत्यंत महत्त्वाचे असते. अनेकजण पार्लरमध्ये जाऊन हजारो रूपये खर्च करतात. परंतु रसायनिक क्रिम्सच्या वापर केल्यास त्वचा खराब होऊ शकते. त्यामुळे घरच्या घरी दुधी भोपळ्याचा वापर करून तुम्ही घरगुती फेस पॅक बनवू शकता. चला तर जाणून घेऊयात दुधी भोपळ्याचा त्वचेसाठी वापर कसा करावा?

तुमच्या त्वचेची काळजी घेण्यासाठी काय करावे?

दुधी भोपळ्यामध्ये व्हिटॅमिन सी असते ज्यामुळे त्वचेमधील कोलेजन वाढवण्यास मदत होते. दुधी भोपळ्यात व्हिटॅमिन ई आणि वृद्धत्वविरोधी गुणधर्म असतात. जे तुमच्या त्वचेला बरे करते आणि चेहऱ्याला नैसर्गिक चमक देते. दुधी भोपळ्याच्या रसापासून ते दुधी भोपळ्याच्या फेस मास्कपर्यंत, सर्वकाही तुमच्या त्वचेची काळजी घेण्यासाठी काय करावे जाणून घेऊया.

दुधी भोपळ्याचा फेस मास्क तुमची त्वचा स्वच्छ बनवण्यास मदत करेल आणि मुरुमांपासून देखील मुक्तता देईल. दुधी भोपळा शरीरासाठी थंड असतो, त्यामुळे त्याचा फेस मास्क पुरळ, सूज आणि खाज कमी करतो. फेस मास्क बनवण्यासाठी, दुधी भोपळा ग्राइंडरमध्ये बारीक करून त्याची पेस्ट बनवा. त्या पेस्टमध्ये दही, हळद, मध मिसळा आणि ते 15 मिनिटे चेहऱ्यावर लावा आणि नंतर स्वच्छ पाण्याने चेहरा धुवा. तुम्ही आठवड्यातून दोन ते तीन वेळा हा फेस मास्क लावू शकता.

त्वचेला नैसर्गिक चमक येण्यासाठी फायदेशीर

उन्हाळ्यात आर्द्रतेमुळे चेहरा निस्तेज होतो. जर तुम्हाला तुमची त्वचा ताजी बनवायची असेल तर तुम्ही भोपळ्याचे टोनर बनवू शकता. यासाठी, काकडीचा रस आणि दुधी भोपळ्याचा रस समान प्रमाणात मिसळा. त्या मिश्रणामध्ये कोरफड जेल आणि गुलाबजल देखील मिक्स करा. हे मिश्रण चांगले मिसळल्यानंतर, एका स्प्रे बाटलीत भरा आणि फ्रीजमध्ये ठेवा. यामुळे त्वचेला नैसर्गिक चमक आणि कोमलता येते.

तुमच्या आरोग्यासाठी चांगले असण्यासोबतच, दुधी तुमच्या त्वचेला चमकदार बनवते, म्हणूनच, तुम्ही तुमच्या त्वचेसाठी दुधी भोपळ्याचा वापर अनेक प्रकारे करू शकता. तुम्ही तुमच्या आहारात दुधी भोपळ्याच्या रसाचा समावेश करू शकता. तुमचे आरोग्यही चांगले राहील आणि हा दुधी भोपळ्याचा रस तुमच्या चेहऱ्यावर नैसर्गिक चमक आणेल आणि तुम्हाला टवटवीत त्वचा देखील देईल.

जर तुम्ही तुमच्या आहारात दुधी भोपळाचा समावेश केला तर तुमचा चेहरा चमकदार राहील. हे तुमच्या त्वचेवरील सुरकुत्या आणि बारीक रेषा देखील कमी करते. जर तुम्हाला मुरुमांच्या समस्येने त्रास होत असेल तर तुम्ही तुमच्या आहाराचा तसेच त्वचेची काळजी घेण्याचा भाग म्हणून दुधी भोपळ्याचा वापर करू शकता. तुम्ही दुधी भोपळ्यापासून बनवलेला फेस मास्क आणि टोनर वापरू शकता जे पिंपल्स दूर करण्यास मदत करते.

उन्हाळ्यात शरीराची काळजी कशी घ्याल?

उन्हाळ्यात शरीराची काळजी घेण्यासाठी भरपूर पाणी पिणे, हलके आणि सुती कपडे घालणे, सनस्क्रीन वापरणे, सावलीत राहणे आणि संतुलित आहार घेणे आवश्यक आहे. डिहायड्रेशन टाळण्यासाठी दिवसातून 8-10 ग्लास पाणी प्या. उन्हाळ्यातील तीव्र सूर्यप्रकाशापासून संरक्षण करण्यासाठी किमान SPF 30 असलेले सनस्क्रीन वापरा. सैल आणि हलक्या रंगाचे सुती कपडे घाला, जेणेकरून त्वचा श्वास घेऊ शकेल. उन्हाळ्याच्या तीव्र सूर्यप्रकाशापासून दूर राहण्यासाठी सावलीचा वापर करा. थंड पाण्याने आंघोळ करणे किंवा शॉवर घेणे शरीराचे तापमान कमी करण्यास मदत करते. उन्हाळ्यात फळे, भाज्या, आणि पाणीयुक्त पदार्थ खा. मसालेदार आणि तेलकट पदार्थांचे सेवन टाळा.