Skin Care : चमकदार त्वचा मिळवण्यासाठी अंड्याचा फेस मास्क अत्यंत फायदेशीर, वाचा!
आपल्या सर्वांना माहित आहे की, अंडी आपल्या आरोग्यासाठी खूप फायदेशीर आहेत. पण तुम्हाला हे माहीती आहे का? की, अंडी आपल्या त्वचेसाठी देखील अत्यंत फायदेशीर आहेत.
मुंबई : आपल्या सर्वांना माहित आहे की, अंडी आपल्या आरोग्यासाठी खूप फायदेशीर आहेत. पण तुम्हाला हे माहीती आहे का? की, अंडी आपल्या त्वचेसाठी देखील अत्यंत फायदेशीर आहेत. अंडी चेहऱ्याला लावल्याने चेहऱ्याच्या अनेक समस्या दूर होण्यास मदत होते. आपण अंड्यापासून तयार होणारे विविध फेस मास्क घरच्या-घरी तयार करून शकतो. या फेस मास्कमुळे आपला चेहरा ग्लोईंग होतो. (Egg face mask is beneficial for the skin)
-अंडी प्रथिने आणि व्हिटॅमिन ए समृद्ध असतात. ज्यामुळे त्वचेवरील बारीक रेषा, सुरकुत्या आणि मुरुम काढून टाकण्यास मदत होते. व्हिटॅमिन ए वृद्धत्वाची चिन्हे कमी करण्यास मदत करते. जर आपल्याला चमकणारी त्वचा हवी असेल तर आपण अंडी फेसमास्क वापरू शकता.
-आपल्याला एका वाडग्यात एक अंडे घ्यावे लागेल. त्यामध्ये साखर, एक व्हिटॅमिन ई कॅप्सूल मिक्स करून घ्या. त्याचे चांगले मिश्रण तयार करा. हे मिश्रण चेहऱ्यावर 15 ते 20 मिनिटे ठेवा आणि नंतर ते पाण्याने धुवा. हा मास्क आपण आठ दिवसातून तीन वेळा चेहऱ्याला लावला पाहिजे. यामुळे आपली त्वचा चांगली होते. या व्यतिरिक्त वृद्धत्वाची समस्या दूर करण्यात मदत होते.
-अंड्यातील पिवळ बलक आणि टी ट्री ऑईल चांगले मिक्स करून घ्या. हे मिश्रण हाताने चेहऱ्याला लावा. हा मास्क सुमारे 20 ते 30 मिनिटे आपल्या चेहऱ्यावर ठेवा. ओल्या कपड्याने चेहऱ्यावर हळूवारपणे मालिश करा आणि ते स्वच्छ करा. यानंतर पाण्याने धुवा. मुरुमांच्या समस्येपासून मुक्त होण्यासाठी हा मास्क फायदेशीर आहे. हा मास्क आपण आठ दिवसातून तीन वेळा लावला पाहिजे.
-एका वाटीमध्ये अंडे घ्या आणि त्यामध्ये एक चमचा लिंबाचा रस, एक चमचा नारळाचे तेल मिसळून पेस्ट बनवा. हे मिश्रण चेहऱ्यावर लावा आणि 15 मिनिटांनंतर ते पाण्याने धुवा. हा उपाय आठवड्यातून 2 ते 3 वेळा केला पाहिजे. यामुळे आपली त्वचा तजेलदार होण्यास मदत होते. हा फेस मास्क चेहऱ्यासाठी फायदेशीर आहे.
(टीप : कोणत्याही उपचारांपूर्वी डॉक्टरांचा सल्ला अवश्य घ्यावा.)
संबंधित बातम्या :
Weight Loss Drinks | स्लिम-ट्रिम दिसण्याची इच्छाय? मग, झोपण्यापूर्वी प्या ‘हे’ हेल्दी ड्रिंक्स!
Milk | गाय की म्हैस, आपल्या आरोग्यासाठी कोणते दूध अधिक फायदेशीर? जाणून घ्या..
Health care | सकाळी अनवाणी पायांनी गवतावर चालणे आरोग्यासाठी लाभदायी, वाचा याचे फायदे… https://t.co/xnbkgfB8Ea #HealthTips | #Barefoot | #HealthCare
— TV9 Marathi (@TV9Marathi) February 24, 2021
(Egg face mask is beneficial for the skin)
