दातांचा पिवळेपणा दूर करण्यासाठी करा ‘हा’ उपाय, लगेचच दिसतील परिणाम

Teeth Whitening Hack : आपल्या सर्वांच्या आरोग्याचा महत्वाचा घटक म्हणजे आपले दात. आपण हसताना कायम आपले दात दिसत असतात. आपले अधिक आरोग्य हे दातावर अवलंबून असते. आपल्या दातांच्या आरोग्याकडे लक्ष देणे फार महत्वाचे आहे. आपण खाल्लेल्या पदार्थांचे तेल, मसाले दातांना चिकटू राहतात. नंतर कालांतराने ते पिवळे होऊन दातांवर जमा होऊ लागतात. मग आपल्या संपूर्ण दात पिवळा दिसू लागतो. त्यात तुम्ही जर दातांकडे वेळीच लक्ष दिले, नाहीतर दात दुखी, दात पिवळे पडणे, दुर्गंधी येणे अशा अनेक समस्यांना सामोरे जावे लागते. यासाठी तुम्ही या सोप्या उपायांची मदत घेऊन दातांचा पिवळेपणा दूर करू शकता. चला तर मग जाणून घेऊयात.

दातांचा पिवळसरपणा दूर करण्यासाठी तुम्ही संत्र्याच्या सालीचा वापर करू शकता. यासाठी संत्र्याची साल घेऊन दातांवर सर्व बाजूंनी घासून दात स्वच्छ करा. यानंतर ब्रश करा. असे केल्याने दातांचा पिवळेपणा कमी होण्यास मदत होते व दात चांगले स्वच्छ होतात.

संत्र्याची साल घेऊन त्याची बारीक पेस्ट तयार करा. या पेस्टमध्ये थोडे मीठ आणि मोहरीचे तेल घालून व्यवस्थित मिक्स करून घ्या. त्यानंतर ब्रशच्या साहाय्याने तयार केलेली पेस्ट दातांवर लावा आणि दात स्वच्छ करा. असे केल्याने दात चमकू लागतील आणि दातांवर साचलेली घाण साफ होईल.

संत्र्याची साल का फायदेशीर?

पिवळ्या दातांसाठी संत्र्याची साल अतिशय प्रभावीपणे काम करते. संत्र्याच्या सालीत असणारे व्हिटॅमिन सी आणि सायट्रिक ॲसिड हे दात साफ करण्यास सुरुवात करतात. यामुळे पिवळे दात साफ होण्यास मदत होते. तसेच तोंडातील बॅक्टेरिया स्वच्छ होतात आणि तुमच्या तोंडाचे आरोग्य चांगले राहते. त्यामुळे फक्त संत्र्याची साल घ्या आणि त्यापासून दात स्वच्छ करा. यापुढे संत्र्याची साल फेकून देण्याऐवजी दात स्वच्छ करण्यासाठी त्याचा वापर करू शकता. त्यामुळे या टिप्स कधीतरी ट्राय करून बघा.