Shrikant Shinde | कल्याण-डोंबिवली महापालिकेत महायुतीकडून महापौर-उपमहापौर पदासाठी उमेदवारी अर्ज दाखल

कल्याण डोंबिवली महानगरपालिका निवडणुकीच्या पार्श्वभूमीवर महापौर आणि उपमहापौर पदासाठी शिवसेनेकडून हर्षाली चौधरी यांनी आज आपला उमेदवारी अर्ज दाखल केला, तर उपमहापौर पदासाठी भाजपच्या राहुल दामले यांनी उमेदवारी अर्ज सादर केला. उमेदवारी अर्ज सादर करताना मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांच्या नेतृत्वाखाली उमेदवारी अर्ज दाखल केला आहे.

कल्याण डोंबिवली महापालिकेत येणाऱ्या ३ तारखेला महापौर आणि उपमहापौर पदाचे उमेदवार बिनविरोध निवडून येतील, असा आत्मविश्वास खासदार श्रीकांत शिंदे यांनी व्यक्त केला. श्रीकांत शिंदे यांच्या मते, महापालिकेतील राजकीय वातावरण सध्या महायुतीच्या बाजूने झुकलेले आहे आणि येत्या काळात महायुतीचेच उमेदवार महापौर आणि उपमहापौर पदावर बसणार आहेत.

यावेळी खासदार श्रीकांत शिंदे यांनी महापालिकेत महायुतीच्या एकात्मतेवर भर देत म्हटले की, कल्याण डोंबिवली महानगरपालिकेत महायुतीचे नेतृत्व निश्चित आहे. महापालिकेत मनसेचे राजू पाटील यांनी महायुतीला पाठिंबा दिल्याचे त्यांनी सांगितले.