शरीराचा हा भाग असतो सर्वात अस्वच्छ; आंघोळ केल्याने होत नाही साफ, असतात हजारो बॅक्टेरिया

आपलं शरीर स्वच्छ ठेवणं सर्वात महत्त्वाचं काम आहे. त्यासाठी अनेकजण किती महागडे क्रिम, साबण, बॉडिवॉश वापरतात. आपलं शरीर कायम स्वच्छ राहावं आणि सुगंधी राहावं यासाठी आपण सगळेच प्रयत्न करत असतो. पण तुम्हाला हे जाणून आश्चर्य वाटेल की दिवसातून कितीवेळा अंघोळ केली तरी देखील आपल्या शरीराचा एक भाग असा आहे जो अस्वच्छच राहतो. तो फक्त पाणी अंगावर पडल्याने स्वच्छ होत नाही. तोच भाग आपल्या शरीराचा सर्वात अस्वच्छ आणि दुर्गंधीयुक्त भाग मानला जातो. तसेच बॅक्टेरिया देखील लवकर जमा होतात असं म्हटलं जातं. जरी तो स्वच्छ केला तरी तो नेहमीच पूर्णपणे स्वच्छ राहत नाही.

शरीराचा असा भाग जो कायम अस्वच्छ असतो 

आपल्या शरीराचा तो भाग म्हणजे नाभी. होय, आपण कोणत्याही साबणाने अंघोळ केली किंवा क्रिम लावली तरी देखील नाभी अस्वच्छच राहते. तसेच नाभीमध्ये सर्वात जास्त बॅक्टेरियांची संख्या असते असं म्हटलं जातं.

बॅक्टेरिया कायम असतात

2012 मध्ये PLOS One मध्ये प्रकाशित झालेल्या संशोधनानुसार, नाभीमध्ये 2,368 प्रकारचे बॅक्टेरिया आढळले होते, त्यापैकी 1, 458 शास्त्रज्ञांसाठी नवीन होते. नाभी ही अशी जागा आहे जिथे खूप घाम येतो आणि ती उथळ असल्याने ती पूर्णपणे स्वच्छ करणे सोपे नाही. यामुळेच या भागाला दुर्गंधही येतो आणि बॅक्टेरिया वाढतात.

हा अवयव म्हणजे शरीराची जखम

विज्ञान म्हणते की नाभी ही शरीरावरची एक जखम आहे. जी बाळाच्या जन्मादरम्यान आईपासून वेगळी झाल्यावर तयार होते. ती बहुतेक आत असते आणि म्हणूनच ती स्वच्छ करणे कठीण असते. डीएलके कॉस्मेटिक डर्मेटोलॉजी अँड लेसर क्लिनिकमधील तज्ञांच्या मते, नाभी ही बॅक्टेरिया वाढण्यासाठी एक पोषक जागा आहे, विशेषतः जर तुमचे वजन जास्त असेल, त्यात टाइप 2 मधुमेह असेल किंवा नाभी छेदलेली असेल तर बॅक्टेरिया जास्त वाढतात.

नाभी स्वच्छ कशी करावी?

नाभी स्वच्छ ठेवण्यासाठी कोमट पाण्यात आणि साबणाच्या पाण्यात स्वच्छ कापड भिजवा आणि त्याने हळुवारपणे साफ करा. जास्त जोर लावून कधीहीनाभी साफ करू नका. जर तुम्हाला नाभीमध्ये खाज, लालसरपणा, वेदना किंवा जास्तच दुर्गंधी जाणवत असेल तर ताबडतोब डॉक्टरांशी संपर्क साधा. संसर्ग वाढण्यापूर्वी तज्ञांचा सल्ला घेणे महत्वाचे आहे, अन्यथा समस्या वाढू शकते.