ऑगस्ट महिन्यात जोडीदारासोबत ‘या’ ठिकाणांना भेट देऊन तुमचा प्रत्येक क्षण बनवा एकदम खास
तुम्ही जर ऑगस्टमध्ये तुमच्या जोडीदारासोबत प्रवास करण्याचा बाहेर फिरायला जाण्याचा विचार करत असाल तर तुम्ही या सुंदर ठिकाणांना भेट देऊ शकता. येथे तुम्हाला गर्दीपासून दूर निसर्गाच्या सौंदर्यात तुमच्या जोडीदारासोबत वेळ घालवण्याची संधी मिळू शकते.
आजकालच्या रोजच्या त्याच धकाधकीच्या आयुष्यात आपल्या प्रियजनांसाठी वेळ काढणे थोडे कठीण होत चालले आहे. त्यामुळे तुम्ही तुमच्या जोडीदारासोबत फिरायला जाण्याचा प्लॅन करू शकता. ऑगस्ट महिन्यात आपल्या भारतात काही ठिकाणे खूप सुंदर दिसतात. तुम्ही तुमच्या जोडीदारासोबत ही ठिकाणे एक्सप्लोर करू शकता. ही ठिकाणे खूप सुंदर आणि गर्दीपासून दूर आहेत. तसेच निसर्गाच्या सानिध्यात तुम्ही छान वेळ घालवू शकता.
जेव्हा जेव्हा फिरायला जाण्याचा विचार करतो तेव्हा बहुतेक लोकं हिमाचल आणि उत्तराखंडला जाण्याचा विचार करतात. पण तुम्ही आपल्या भारतात असलेल्या या ठिकाणी देखील जाऊ शकता. येथे तुम्हाला एकमेकांसोबत काही शांत क्षण घालवण्याची संधी मिळेल. चला त्या ठिकाणांबद्दल जाणून घेऊयात.
इगतपुरी
इगतपुरी हे महाराष्ट्र राज्यातील नाशिक जिल्ह्यात असलेले एक अतिशय सुंदर हिल स्टेशन आहे. तुम्ही या ठिकाणाला भेट देण्याचा प्लॅन करू शकता. इगतपुरी हे मुंबईपासून सुमारे 150 किमी अंतरावर आहे. येथे तुम्हाला ट्रेकिंग करण्याची संधी मिळू शकते. इगतपुरीमध्ये त्रिंगलवाडी किल्ला, भातसा नदी खोरे, विल्सन धरण, कळसूबाई शिखर, विहिगाव धबधबा आणि धनगरवाडी धबधबा अशी सुंदर ठिकाणे आहेत जी एक्सप्लोर करू शकता.
चेरापुंजी
मेघालयातील चेरापुंजी हे पाहण्यासारखे एक अतिशय सुंदर ठिकाणं आहे. येथे एक डबल डेकर लिविंग रूट ब्रिज आहे, जो रबराच्या झाडांच्या मुळांपासून बनवला आहे. याशिवाय, नोहकालिकाई धबधबा येथे खूप प्रसिद्ध आहे. मावसमाई गुहा हे येथील एक आकर्षक ठिकाण आहे. याशिवाय, तुम्ही येथे डावकी नदी, इको पार्क, मावसमाई धबधबा, डेंथलेन धबधबा, वाकाबा धबधबा आणि मावदक डिंपेप व्हॅली सारखी ठिकाणे एक्सप्लोर करू शकता.
View this post on Instagram
कोडाईकनाल
तामिळनाडूमध्ये स्थित कोडाईकनाल हे एक अतिशय सुंदर हिल स्टेशन आहे. धुक्याने झाकलेले टेकड्या आणि धबधबे हे नयनरम्य दृष्य अगदी सुंदर दिसते. येथे तुम्हाला गर्दीपासून दूर तुमच्या जोडीदारासोबत शांत वेळ घालवण्याची संधी मिळू शकते. तुम्ही येथे कोडाईकनाल तलाव, बेरिंगन तलाव, कोकर वॉक, ब्रायंट पार्क आणि पिलर रॉक ही ठिकाणे एक्सप्लोर करू शकता.
View this post on Instagram
कूर्ग
कुर्गला कोडगु म्हणूनही ओळखले जाते. हे कर्नाटकातील एक अतिशय सुंदर हिल स्टेशन आहे. तर हे ठिकाण त्याच्या नैसर्गिक सौंदर्यासाठी ओळखले जाते. येथे तुम्ही दुबरे एलिफंट कॅम्प, मडिकेरी किल्ला, पुष्पगिरी वन्यजीव अभयारण्य, मंडलपट्टी व्ह्यू पॉइंट, इरुप्पू फॉल्स आणि हरंगी धरणाला भेट देऊ शकता.
अलेप्पी
अलेप्पी हे केरळमधील एक अतिशय सुंदर ठिकाण आहे. ते त्याच्या बॅकवॉटर, हाऊसबोट्स आणि समुद्रकिनाऱ्यांसाठी खूप प्रसिद्ध आहे. येथे तुम्हाला हाऊसबोटमध्ये राहायला मिळते. अलेप्पुझा बीच, वेम्बनाड तलाव, कृष्णपुरम पॅलेस आणि मरारी बीच येथे खूप प्रसिद्ध आहेत. येथे तुम्ही चेट्टीकुलंगरा भगवती मंदिर आणि मुल्लाकल राजराजेश्वरी मंदिराला भेट देऊ शकता.
View this post on Instagram
