एलपीजी संकटात ग्राहकांची मुस्कटदाबी, ‘गॅस क्रायसिस’ चार्जने खिशाला चाट
इराण युद्धाचा फटका एलपीजी तुटवड्याच्या स्वरुपात समोर आला आहे. त्यामुळे आता अनेक हॉटेलांना टाळे लागले आहे. तर काही पदार्थ हॉटेलच्या मेन्यूत गायब झाले आहेत. तर काही हॉटेलातील अन्नपदार्थांच्या बिलात थेट 'गॅस क्रायसिस' चार्जचा समावेश केला आहे.
इराण युद्धाचा फटका इंधनाला आणि गॅसला बसला असून भारतात एलपीजी गॅस सिलिंडरच्या अनुपलब्धतेमुळे अनेक ठिकाणी लोकांनी चुलीचा वापर सुरु केला आहे. काही हॉटेल्सना टाळे लागले आहे तर काही ठिकाणी पदार्थांचे दर वाढवण्यात आले आहेत. याची झळ ग्राहकांच्या खिशाला बसत आहे. या भारतातील सिलिंडरच्या टंचाईचा हॉटेल ग्राहकांच्या खिशाला कसा चाट बसत आहे याचे आणखी एक उदाहरण सोशल मीडियावर व्हायरल झाले आहे.
गॅस वाचवण्याचे टिप्स आणि बदलले इंधन –
गॅस संकटाची चर्चा आता सोशल मीडियावर देखील होत आहे. एलपीजी कसा वाचवायचा याच्या पद्धती देखील शेअर केल्या जात आहेत. अनेक लोक इंडक्शन कुकटॉपचा वापर वाढवण्याचा सल्ला दिला जात आहे. बाजारात याचा परिणाम पाहायला मिळाला आहे. आणि इंडक्शन कुकटॉपची मागणी अचानक वाढली आहे.
रेस्टॉरंट आणि ढाबामध्ये बदल आता दिसायला लागला आहे. काही जागी चहाचे दर वाढल्याची गोष्ट समोर आली आहे. काही ठिकाणी तर मेन्यूत बदल करण्यात आला आहे. उदाहरणार्थ काही जागी छोले भटुरेच्या जागी छोले- भात सारखा मेन्यू बदल झाला आहे.
येथे पोस्ट आहे –
— Sandeep Mukherjee (@Libertarian196) March 15, 2026
‘गॅस क्रायसिस चार्ज’
या घटनेचा परिणाम सोशल मीडियाच्या भाषेवर देखील झाला आहे. अनेक युजर्सनी गॅस संकटावर मीम्स बनवून तयार केले जात आहेत.काही लोकांनी त्यांना आलेल्या अडचणींना यात मांडले आहेत. आता काही हॉटेल चालकांनी हॉटेलच्या बिलात आता एक नवा चार्ज लावण्यात आला आहे. ज्यास ‘गॅस क्रायसिस चार्ज’ म्हटले आहे.
हॉटेलच्या बिलात लावला ‘गॅस क्रायसिस चार्ज’ –
सोशल मीडियावर असे अनेक बिलांचे स्क्रीन शॉट टाकले जात आहे. ज्यात खाण्याच्या वस्तूंच्या किंमती सोबत आता अतिरिक्त गॅस चार्ज लावण्यात आला आहे. यात एका बिलाने जास्त लक्ष वेधले आहे. एका युजरने एक्सवर बंगलुरुच्या थिओ कॅफेचे बिल पोस्ट केले आहे.
या बिलात मिंट लेमोनेडची ऑर्डर होती. ज्याची किंमत १७९ रुपये प्रति ग्लास म्हणजे एकूण ३५८ रुपये होती. बिलानुसार आधी ५ टक्के डिस्काऊंट दिले आहे. ज्यानंतर बिलात ५ टक्के ‘गॅस क्रायसिस’ चार्ज म्हणजे म्हणजे १७.०१ रुपये लावण्यात आले आहेत. या शिवाय सीजीएसटी २.५ टक्के आणि एसजीएसटी २.५ टक्के देखील सामील आहे. ज्यामुळे एकूण बिल वाढून ३७४ रुपये झाले आहे.
लेमोनेडमध्ये गॅसचे काय काम ?
हे बिल समोर आल्यानंतर सोशल मीडियावर आल्यानंतर अनेक प्रकारच्या प्रतिक्रीया पाहायला मिळाल्या. काही लोकांनी यावर मजेत विचारले की लेमोनेड बनवण्यासाठी अखेर कोणता गॅस वापरला जातो. लोकांना अतिरिक्त चार्जने आश्चर्य वाटले नाही तर कोल्ड ड्रिंकमध्ये एलपीजी गॅसचे कनेक्शनचा काय संबंध असा प्रश्न विचारला होता.
येथे पोस्ट पाहा –
“Gas crisis charge” on a lemonade 🤣
Source: r/bangalore pic.twitter.com/wkAU1QIsNl
— Pakchikpak Raja Babu (@HaramiParindey) March 15, 2026
चेन्नई आणि गुरुग्राममध्ये घटना –
याच प्रकारे एक आणखी बिल चेन्नईच्या गीरस रेस्ट्रॉरंटचे बिल देखील सोशल मीडियावर शेअर केले आहे. याच बिलात इडलीची किंमत ३३.३३ रुपये आणि मेदूवड्याची किंमत ३३.३३ रुपये लिहीली होती. खाली ९.५२ रुपये गॅस चार्ज जोडला होता. त्यामुळे एकूण बिल ८० रुपये बनवले आहे.
एका अन्य युजरने दावा केला आहे की गुरुग्रामच्या एक रेस्टॉरंट मोमोजची प्लेट, जी आधी १८० रुपयात मिळत होती. आता तिचा दर २०० रुपये सांगितला जात आहे. जेव्हा ग्राहकाने किंमत वाढवण्याचे कारण विचारले तर स्टाफने कथितपणे गॅस संकट याचे कारण म्हटले आहे.
एलपीजी कमतरता का ?
देशात अनेक देशात एलपीजीचा तुटवडा आहे. हॉटेल, रेस्टॉरंट आणि कँटीन सर्वात जास्त प्रभावित झाले आहेत. मध्य पूर्वेत इराण युद्धामुळे होर्मुज स्ट्रेटची वाहतूक बंद पडली असल्याने एलपीजीचा तुटवडा निर्माण झाला आहे.
