इराणनंतर आता या देशावर अमेरिका करणार हल्ला, ट्रम्प यांच्याकडून आणखी एका युद्धाची घोषणा, जगभरात मोठी खळबळ
इराण, इस्त्रायल आणि अमेरिकेमध्ये भीषण युद्ध सुरू आहे, या युद्धाचा आज 17 वा दिवस आहे, 17 व्या दिवशी डोनाल्ड ट्रम्प यांनी आता आणखी एका युद्धाची घोषणा केली असून, त्यामुळे जगभरात मोठी खळबळ उडाली आहे.
इस्त्रायल, अमेरिका आणि इराणमध्ये भीषण युद्ध सुरू आहे. या युद्धामुळे मध्यपूर्वेत मोठा तणाव निर्माण झाला आहे. मध्य पूर्वेत तणाव निर्माण झाल्यामुळे आखाती देशांमधून होणारा कच्च्या तेलाचा पुरवठा देखील ठप्प झाला आहे. तर दुसरीकडे इराणने होमूर्ज स्ट्रेट बंद केलं आहे. इराणने होमूर्ज स्ट्रेट बंद केल्यामुळे अनेक जहाजं तिथे अडकून पडली आहेत. जगाला जेवढ्या कच्च्या तेलाची गरज लागते, त्यापैकी सुमारे 25 टक्के कच्च्या तेलाची वाहतूक ही होमूर्ज स्ट्रेटमधून होते. त्यामुळे सध्या जगातील अनेक देशांवर भीषण ऊर्जा संकट निर्माण झालं आहे. आज या युद्धाचा 17 वा दिवस आहे. इस्त्रायल आणि अमेरिकेकडून इराणवर हल्ले सुरू आहेत, तर दुसरीकडे इराने देखील आपल्या मिसाईल हल्ल्यांनी अमेरिका आणि इस्त्रायलच्या मनात दहशत निर्माण केली आहे. संपूर्ण जग युद्धाच्या आगीमध्ये होरपळून निघत असतानाच आता डोनाल्ड ट्रम्प यांनी आणखी एका देशाविरोधात थेट युद्धाची घोषणा केली आहे. ट्रम्प यांच्या या घोषणेमुळे जगभरात मोठी खळबळ उडाली आहे.
इराणविरोधातील युद्ध संपल्यानंतर आता आम्ही क्यूबाविरोधात कारवाई करू शकतो असं ट्रम्प यांनी म्हटलं आहे. अमेरिका क्यूबासोबत करार देखील करू शकते, मात्र जर करार झाला नाही आणि आम्हाला जर गरज वाटली तर आम्हाला त्यांच्याविरोधात जे करायचं आहे ते आम्ही करू असा इशारा ट्रम्प यांनी दिला आहे. पुढे बोलताना ते म्हणाले की सध्या तरी आमचं लक्ष हे केवळ इराणवर आहे. आम्ही इराणसोबत लढत आहोत, क्यूबा विरोधात इराणसोबतचं युद्ध संपल्यानंतर कारवाई करू, असं ट्रम्प यांनी म्हटलं आहे, ते पत्रकार परिषदेमध्ये बोलत होते.
जर क्यूबाची करार करण्याची तयारी असेल तर मला वाटतं हा प्रश्न लवकर सुटू शकतो. मात्र जर करार झाला नाही तर आम्हाला वाटेल ते त्यांच्याविरोधात आम्ही करू. आमचं क्यूबासोबत बोलणं सुरू आहे. मात्र पहिल्यांदा आधी आम्ही आता इराणविरोधातील कारवाई पूर्ण करू त्यानतंर क्यूबाचा प्रश्न सोडवू, ज्यापद्धतीने आमचं क्यूबासोबत बोलणं सुरू आहे, त्यावरून तरी वाटत आहे की, क्यूबा आमच्यासोबत करार करू शकतो. करार झाला तर अनेक प्रश्नांवर शांततेच्या मार्गाने तोडगा निघेल अन्यथा करवाई करावी लागेल असा इशारा ट्रम्प यांनी दिला आहे. दरम्यान डोनाल्ड ट्रम्प यांची इतर देशांसोबतची भूमिका ही अशीच राहिली तर जगात एक दिवस नक्की महायुद्धाला सुरुवात होईल, अशी भीती या क्षेत्रातील तज्ज्ञांकडून व्यक्त केली जात आहे.
