रोगप्रतिकारक शक्ती वाढवण्यासाठी प्या ‘हा’ स्पेशल काढा, कोविडच्या परिणामापासून राहाल दूर
देशात कोविडचे रुग्ण वाढू लागले आहेत. अशा परिस्थितीत कोणत्याही प्रकारच्या संसर्गापासून बचाव करण्यासाठी मजबूत प्रतिकारशक्ती असणे खूप महत्वाचे आहे. यासाठी तुमच्या आहारात काही रोगप्रतिकारशक्ती वाढवणारे पदार्थांचा समावेश करा. त्यातच तुम्ही जर हा काढा घरी बनवून प्यायलात तर तुमची रोगप्रतिकारक शक्ती मजबूत होण्यास मदत होईल.
देशात कोविडचे रुग्ण पुन्हा वाढू लागले आहेत. यामध्ये दिल्ली, महाराष्ट्र आणि केरळ सारख्या राज्यांमध्ये कोरोनाचे रुग्ण अचानक वाढू लागले आहेत. यामुळे लोकांमध्ये कोविडबाबतचा ताण पुन्हा वाढला आहे. काही लोकांनी मास्क घालायला देखील सुरुवात केली आहे. अनेक कार्यालये आणि रुग्णालयांमध्ये कोविडबाबत सल्लागार जारी करण्यात आले आहेत. आरोग्य मंत्रालय आणि तज्ञांनीही लोकांना मास्क घालण्याचा सल्ला दिला आहे.
कोविडपासून बचाव करण्यासाठी, मजबूत प्रतिकारशक्ती असणे खूप महत्वाचे आहे. यासाठी तुम्ही काढा पिऊ शकता. काढामध्ये असलेल्या तुळस, अदरक, हळद आणि गुळवेल यांसारख्या औषधी वनस्पतींमध्ये अँटी-ऑक्सिडंट आणि अँटी-इंफ्लेमेटरी गुणधर्म असतात जे शरीराला रोगांशी लढण्यास मदत करतात. यामुळे रोगप्रतिकारक शक्ती सुधारण्यास मदत होऊ शकते.
गुळवेल काढा
गुळवेल आपल्या आरोग्यासाठी खूप फायदेशीर मानले जाते. यापासून काढा देखील बनवता येतो. गुळवेल पासून बनवलेला काढा रोगप्रतिकारक शक्ती मजबूत करण्यास मदत करू शकते. तर हा काढा बनवण्यासाठी सर्वप्रथम एका भांड्यात २ कप पाणी घ्या आणि ते मंद आचेवर ठेवा. यानंतर, गुळवेल आणि आले, हळद आणि तुळशीची काही पाने यांसारखे इतर घटक पाण्यात टाकून मंद आचेवर हे पाणी उकळवा. हे पाणी अर्धे झाल्यावर गॅस बंद करा. थंड झाल्यावर ते एका कपमध्ये गाळून प्या.
तुळशीची पाने आणि हळद
तुळशीची पाने आणि हळद यापासून काढा बनवण्यासाठी सर्वप्रथम एका पॅनमध्ये पाणी घ्या आणि ते मंद आचेवर ठेवा. त्यानंतर त्या पाण्यात आले, काळी मिरी, हळद आणि तुळशीची पाने टाकून 15 ते 20 मिनिटे उकळवा. पाणी अर्धे झाल्यावर गॅस बंद करा आणि गाळून घ्या. तुमच्या आवडीनुसार गूळ टाकुल हा काढा हळूहळू प्या.
ज्येष्ठमध आणि अदरक काढा
अदरक आणि ज्येष्ठमधाचा काढा देखील आपल्या आरोग्यासाठी खुप फायदेशीर आहे. कारण ज्येष्ठमधातील गुणधर्म तुमची रोगप्रतिकारक शक्ती मजबूत करण्यास मदत करतात. हे करण्यासाठी, एका पॅनमध्ये आवश्यकतेनुसार पाणी घ्या आणि मंद आचेवर ठेवा. आता या पाण्यात तुळशीची पाने आणि अदरक टाका. यानंतर ज्येष्ठमधाची पावडर आणि हळद टाकून पाणी निम्मे होईपर्यंत उकळवा. उदाहरणार्थ, जर तुम्ही 2 ग्लास पाणी ठेवले असेल, तर 1 ग्लास इतक पाणी कमी झाल्यानंतर गॅस बंद करा. आता ते थोडे थंड होऊ द्या.
दालचिनी आणि लवंगाचा काढा
दालचिनी आणि लवंगाचा काढा देखील रोगप्रतिकारक शक्ती वाढविण्यास मदत करू शकतो. अशा परिस्थितीत या दोन्हींचा काढा बनवून ते सेवन केले जाऊ शकते. हा काढा बनवण्यासाठी 1 कप पाण्यात 3 लवंगा आणि 1 इंच दालचिनी तुकडा टाकून पाणी उकळवा. पाणी अर्धे झाल्यावर गॅस बंद करा. आता तयार काढा गाळून घ्या आणि कोमट झाल्यावर प्या.
हळदीचा काढा
सर्दी, सूज आणि वेदना यासारख्या समस्यांमध्ये आणि रोगप्रतिकारक शक्ती मजबूत करण्यासाठी हळदीचा काढा फायदेशीर मानला जातो. हा काढा बनवण्यासाठी एका भांड्यात पाणी घ्या आणि त्यात हळदीचा तुकडा किंवा हळद पावडर टाकून मिक्स करा. पाणी अर्धे झाल्यावर गॅस बंद करा. हळदीचा काढा थोडा कोमट असताना प्या.
काढा बनवण्यासाठी वापरल्या जाणाऱ्या बहुतेक घटकांचे स्वरूप उष्ण असते. म्हणून या हंगामात ते मर्यादित प्रमाणात किंवा कमी प्रमाणात सेवन केले तर चांगले होईल. याशिवाय, दररोज ते पिण्यापूर्वी तुमच्या तज्ञांचा सल्ला नक्कीच घ्या.
( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)
