सुंदर त्वचा पाहिजे, मग नक्की ‘या’ टिप्स फाॅलो करा

मुंबई : दह्यामध्ये अनेक पोषक घटक असतात. दररोज दही खाल्ल्याने केवळ ताजेतवाने वाटत नाही तर, पाचन तंत्रही ठीक राहते आणि पोटाचा त्रासही होत नाही. दही रक्तदाब, केस आणि हाडे यासाठी अनेक प्रकारे फायदेशीर आहे. दह्यामध्ये प्रथिने, कॅल्शियम, राइबोफ्लेविन, व्हिटामिन बी 6 आणि व्हिटामिन बी12 या पोषक घटकांचे प्रमाण अधिक असते. (Curd is beneficial for facial skin)

दही पौष्टिक असल्यामुळे आरोग्यासंबंधी आणि सौंदर्यासंबंधित समस्यांवरदेखील दही खाणे हा उत्तम उपाय आहे. केसातील कोंड्यापासून त्वचा कोमल करण्यासाठी दह्याचा उपयोग होतो. मात्र, तुम्हाला हे माहिती आहे का? दह्याचे फेशियल आपल्या त्वचेसाठी खूप फायदेशीर आहे. त्यामुळे आपल्या चेहऱ्यावरील अनेक समस्या दूर होतात. दह्याचे फेशियल तयार करायचे असेल तर शक्यतो दही हे घरीच तयार केलेले असावे.

-पाच चमचे दही

-दोन चमचे बदाम किंवा ऑलिव्ह तेल

-एक  ग्लास गरम पाणी

-एक सूती रुमाल

सर्वप्रथम, बदाम तेल दहीमध्ये मिसळा आणि चमच्याने चांगले मिक्स करा तयार केलेले मिश्रण आपल्या चेहऱ्यावर आणि मानेवर लावा. 10 ते 15 मिनिटांसाठी मालिश करा. यानंतर, एक सूती रुमाल कोमट पाण्यात भिजवून चेहरा स्वच्छ करा. हे तुम्ही आठवड्यातून दोनदा केले तर चेहऱ्यावरील काळपट पणा, मुरूम, काळे डाग यांसारखे अनेक समस्या दूर होतील. आजकाल सर्वाना कंपनीचे डब्यातील पॅकबंद दहीच मिळते.

पूर्वीच्या काळी बऱ्याच घरांमध्ये छान काळ्या मातीच्या मडक्यात उकळून कोमट झालेल्या दुधात सायंकाळी विरजण घालून दही तयार केले जायचे. दही बनवण्याच्या पद्धती व त्याचा स्वाद यावरून दह्याचे पाच प्रकार पडतात. मंद, गोड, आंबट-गोड, आंबट व अत्यंत आंबट असे हे पाच प्रकार. या प्रत्येक प्रकारानुसार, आजारानुसार व ऋतूनुसार दही सेवन केल्यास दह्याचे फार चांगले फायदे मिळतात. मात्र चुकीच्या पद्धतीने दही सेवन केल्यास नको असलेल्या आजारांनाही निमंत्रण मिळते. शरद, ग्रीष्म व वसंत ऋतूमध्ये दही खाणे हितकारक नसते. यामुळे कफ वाढून सर्दी, खोकला मागे लागतो.

संबंधित बातम्या : 

Health | ‘व्हिटामिन डी’ची कमतरता आरोग्यासाठी धोकादायक! ‘या’ पदार्थांचे सेवन ठरेल लाभदायकhttps://t.co/y89Pxceis3#VitaminD #FoodSupplement

— TV9 Marathi (@TV9Marathi) November 20, 2020

(Curd is beneficial for facial skin)