व्हिटॅमिन्सयुक्त मटार खाण्याचे ‘हे’ फायदे वाचा !

मुंबई : आपल्यापैकी अनेकांना मटारच्या (Green Peas) शेंगा खायला आवडतात. मटार खाण्यासाठी चवदार असतात. केवळ चविष्ठच नाही, तर त्यात बरीच पोषक द्रव्ये देखील असतात. मटारमध्ये व्हिटॅमिन्स ए, बी 1, बी 6, सी आणि के आढळतात. म्हणूनच मटारला व्हिटॅमिन्स आणि ऊर्जेचा उत्तम स्त्रोत अर्थात ‘पॉवरहाऊस’ देखील म्हटले जाते. मटारमध्ये अत्यंत कमी कॅलरी असतात. तर, शरीरासाठी पोषक ठरणारे फायबर, प्रथिने, मॅंगनीज, लोह आणि फोलेट हे घटक भरपूर प्रमाणात आढळतात. चला तर मग जाणून घेऊयात मटार खाण्याचे फायदे…(Eating green peas is beneficial for health)

-मटारमध्ये आढळणारा व्हिटॅमिन सी कोलेजमुळे आपली त्वचा मऊ आणि चमकदार बनते. हिरव्या वाटाण्यामध्ये फ्लेव्होनॉइड्स, कॅटेचिन, एपिक्टिन, कॅरोटीनोईड्स आणि अल्फा-कॅरोटीन असतात, जे अकाली वृद्धत्वाची लक्षणे थोपवू शकतात.

-मजबूत हाडांसाठी व्हिटॅमिन के आवश्यक आहे. व्हिटामिन के ऑस्टिओपोरोसिसच्या समस्येपासून शरीराचे रक्षण करते. उकडलेल्या हिरव्या वाटाण्यामध्ये व्हिटामिन के-1 प्रमाण 46 टक्के इतके असते. ज्यामुळे हाडे मजबूत राखण्यास मदत होते.

-फायबरने समृद्ध मटार पाचन तंत्रासाठी खूप चांगले मानले जातात. यामुळे शरीरातील चांगले बॅक्टेरिया वाढतात. ज्यामुळे आतडे योग्य प्रकारे कार्य करते. मटार खाल्ल्याने पोट व्यवस्थित साफ होते आणि बद्धकोष्ठतेची समस्या निर्माण होत नाही.

-मटारमध्ये आढळणारे मॅग्नेशियम, पोटॅशियम आणि कॅल्शियम हृदय निरोगी ठेवते. मटार खाल्याने उच्च रक्तदाबाची समस्या कमी होते. मटार शरीरातून खराब कोलेस्ट्रॉल देखील कमी करते. मटारमध्ये आढळणारा अँटिऑक्सिडेंट देखील हृदयासाठी चांगला मानला जातो.

-मटारचा वाटाणा वजन कमी करण्यासाठीचा सर्वोत्तम आहार मानला जातो. मटारमध्ये फायबर आणि प्रथिनांचे प्रमाण अधिक असल्यामुळे खाल्ल्यानंतर फार काळ भूक लागत नाही. परिणामी वजन नियंत्रित होण्यास मदत होते.

संबंधित बातम्या : 

Skin Care Tips | लग्न करताय? ना ब्यूटी पार्लर, ना ट्रिटमेंट, ‘या’ घरगुती उपायांनी मिळवा ग्लो!

Papaya Seeds Benefit | तुम्ही पपईच्या बिया फेकून देताय…? तर थांबा अगोदर हे वाचा!

Skin Care | कोरड्या त्वचेने हैराण? क्रीमही काम करत नसतील, तर वापरा घरगुती ‘उटणं’!#SkinCare | #skincareroutine | #homeremedies | #BeautySecrets https://t.co/2j7jbRm7bJ

— TV9 Marathi (@TV9Marathi) January 5, 2021

(Eating green peas is beneficial for health)