दुपारच्या जेवणानंतर येणारी झोप आणि आळस दूर करण्यासाठी तज्ञांनी सांगितलेल्या ‘या’ 3 उपायांचा करा अवलंब
दुपारच्या जेवणानंतर झोप येणे ही एक सामान्य समस्या आहे. परंतु याचा तुमच्या रोजच्या दिनचर्येवर परिणाम होऊ लागला तर आरोग्याकडे लक्ष देणे महत्वाचे ठरते. चला तर मग आजच्या या लेखात आपण जाणून घेऊयात की दुपारच्या जेवणानंतर येणारी झोप दूर करण्यासाठी कोणत्या तीन उपायांचा अवलंब करणे योग्य आहे.
तुमच्यासोबतही असं घडतं का की दुपारचे जेवण करताच तुम्हाला झोप येऊ लागते? दुपारच्या पोटभर जेवणानंतर डोळे जड होऊ लागतात. तर या सामान्य समस्येला ‘फूड कोमा’ किंवा ‘पोस्ट-लंच डिप्रेशन’ असेही म्हणतात, जे तुमच्या शरीरातील उत्पादकता कमी करू शकते. बऱ्याचदा लोकांना वाटते की जेवल्यानंतर झोप येणे सामान्य आहे, परंतु जर त्याचा तुमच्या दैनंदिन दिनचर्येवर परिणाम होऊ लागला तर त्याकडे लक्ष देणे महत्त्वाचे ठरते.
तर यावेळेस पोषणतज्ञांनी काही सोपे मार्ग सांगितले आहेत ज्याद्वारे तुम्ही या दुपारी जेवणानंतर येणाऱ्या झोपेच्या समस्येपासून सहज मुक्त होऊ शकता. चला तर मग आजच्या या लेखात आपण याबद्दल जाणून घेऊयात…
तुमच्या आहारात ‘योग्य’ कार्बोहायड्रेट्स पदार्थांचा समावेश करा
बऱ्याचदा आपण दुपारच्या जेवणात असे पदार्थ खातो की ज्यामुळे आपल्याला त्वरित ऊर्जा मिळते, पण त्याचबरोबर आपल्याला लवकर सुस्तीही येते. याचे कारण साधे कार्बोहायड्रेट्स असलेल्या पदार्थांचे सेवन केल्याने होते. जसे की पांढरा भात, नूडल्स, ब्रेड आणि गोड पेये खूप लवकर पचतात, ज्यामुळे रक्तातील साखरेचे प्रमाण लवकर वाढते आणि कमी होते. या चढ-उतारामुळे आळस येतो.
त्याऐवजी, तुमच्या आहारात कॉम्प्लेक्स कार्बोहायड्रेट्सचा समावेश करा. असे काही पदार्थ जे फायबरने समृद्ध असतात आणि हळूहळू पचतात, ज्यामुळे उर्जेची पातळी स्थिर राहण्यास मदत होते.
जेवल्यानंतर 15-20 मिनिटे चालणे
जेवणानंतर लगेच ऑफिसमध्ये बसून काम करणे किंवा झोपणे म्हणजे झोपेला आमंत्रण देण्यासारखे आहे. जेवणानंतर किमान 15-20 मिनिटे हलके चालण्याचा सल्ला तज्ञ देतात. यामुळे तुमचे पचन सुधारतेच, शिवाय रक्ताभिसरण देखील वाढते .
जेवणानंतर चालल्याने तुमच्या शरीरात ऑक्सिजनचा प्रवाह सुधारते, ज्यामुळे तुम्हाला ताजेतवाने आणि सक्रिय वाटते. लिफ्टऐवजी पायऱ्यांचा वापर करा किंवा तुमच्या ऑफिसच्या परिसरात थोडेसे चाला.
जेवणासोबत किंवा जेवणानंतर ताक प्या
ताक हे एक उत्तम पेय आहे जे दुपारच्या जेवणानंतरच्या येणारा आळास यापासून मुक्त होण्यासाठी खूप प्रभावी आहे. ताक केवळ पोट हलके ठेवत नाही तर पचनास मदत करणारे प्रोबायोटिक्स देखील असतात.
ताक प्यायल्याने तुमच्या शरीराला हायड्रेटेड ठेवते आणि त्यातील गुणधर्म तुम्हाला ऊर्जावान बनवतात. तुम्ही जेवणासोबत किंवा जेवणानंतर लगेच एक ग्लास साधे ताक पिऊ शकता. त्यात जास्त मसाले किंवा मीठ टाकू नका, जेणेकरून ते त्याचे काम योग्यरित्या करू शकेल.
( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)
