‘या’ चुकीच्या सवयी पोहोचवतात तुमच्या केसांना हानी, ताबडतोब सुधारा!
जर तुम्ही चांगला आहार घेतला नाही तर त्याचा परिणाम केसांवर स्पष्टपणे दिसून येतो. पण काही सवयी बदलून तुम्ही केस निरोगी बनवू शकता. आपल्या रोजच्या काही सवयी आपल्या केसांसाठी हानिकारक असतात, चला तर जाणून घेऊया अशा कोणत्या सवयी आहेत ज्या केसांना हानी पोहोचवतात?
मुंबई: काळे दाट आणि निरोगी केस मिळावेत अशी प्रत्येकाची इच्छा असते. पण जर तुम्ही चांगला आहार घेतला नाही तर त्याचा परिणाम केसांवर स्पष्टपणे दिसून येतो. पण काही सवयी बदलून तुम्ही केस निरोगी बनवू शकता. आपल्या रोजच्या काही सवयी आपल्या केसांसाठी हानिकारक असतात, चला तर जाणून घेऊया अशा कोणत्या सवयी आहेत ज्या केसांना हानी पोहोचवतात?
या चुकीच्या सवयी तुमच्या केसांना हानी पोहोचवतात
ड्रायर आणि हीटिंग टूल्स
फ्लॅट आयर्न, ब्लो ड्रायर सारखी हीट स्टाईलिंग टूल्स केसांना नुकसान पोहोचवण्याचं काम करतात. कारण जास्त उष्णतेमुळे केसांची मुळे कमकुवत होतात. ज्यामुळे केस कोरडे आणि निर्जीव होतात. त्यामुळे जर तुम्हीही दररोज हीटिंग टूल्स वापरत असाल तर तुमची सवय बदला. त्याचबरोबर हीटिंग टूल्स वापरायची असतील तर हीट प्रोटेक्ट स्प्रेचा वापर करावा.
खूप गरम पाण्याने केस धुणे
केस कधीही गरम पाण्याने धुवू नयेत. कारण यामुळे केस कोरडे आणि दु होतोंडी होतात. इतकंच नाही तर गरम पाणी वापरल्याने केसांची छिद्रं कमकुवत होतात. ज्यामुळे तुम्हाला केसांशी संबंधित समस्या येऊ लागतात.
टॉवेलने केस घासू नका
केस धुतल्यानंतर टॉवेलने केस चोळत असाल तर असे करणे टाळा. अशावेळी हलक्या हातांनी केस पुसून घ्या. त्याचबरोबर केस पुसण्यासाठी टॉवेलच्या जगावर सुती कापडही वापरू शकता.