Hair Problem | अकाली केस पांढरे होतायत? मग ‘या’ टिप्स नक्की ट्राय करा!

मुंबई : आजकाल धकाधकीच्या जीवनशैलीत केस पांढरे होणे ही एक सामान्य समस्या झाली आहे. आपल्यापैकी देखील बरेच लोक या समस्येने त्रस्त आहेत आणि यावर उपाय म्हणून ते बरेच रासायनिक उत्पादने वापरतात. मात्र, याचा उपयोग होण्याऐवजी केसांचे आणखी नुकसान होते. केसांच्या आरोग्याचा थेट संबंध आपल्या खाण्यापिण्याशी असतो. जर तुमचा आहार योग्य असेल, तर केस अकाली पांढरे होण्यापासून रोखता येऊ शकतात. जर आपण शिस्तबद्धपणे आपली दिनचर्या पाळली आणि योग्य आहार घेतला, तर आपण या समस्येस बर्‍याच प्रमाणात प्रतिबंधित करू शकता (Hair Care Tips for early white hairs).

तथापि, डॉक्टरांचे म्हणणे आहे की, वयाच्या 20व्या वर्षांनंतर केस पांढरे होण्यास सुरुवात होते. परंतु, वेळेआधीच केस पांढरे होऊ लागले तर समजून घ्या की, शरीरात प्रथिने आणि कॉपर हे घटक पुरेशा प्रमाणात नसल्याने हे घडत आहे. काही वेळा गंभीर आजारांमुळेदेखील केस अकाली पांढरे होण्यास सुरूवात होते. अशा परिस्थितीत आपण त्वरित डॉक्टरांशी संपर्क साधावा. वयाच्या एका टप्प्यानंतरही केस पांढरे होण्याच्या समस्येपासून आपण दूर राहू शकता. परंतु, यासाठी आपल्याला थोडे अधिकचे लक्ष देणे आवश्यक आहे.

व्हिटामिन बी

शरीरात ‘व्हिटामिन बी’ची कमतरता निर्माण झाल्यास आपल्या डोक्यावरील केस पांढरे होऊ लागतात आणि मग काही काळाने ते गळू देखील लागतात. व्हिटामिन बीच्या कमतरतेमुळे सर्वाधिक केस गळतात. जर योग्य वेळी प्रतिबंधित न केल्यास यामुळे आपल्या केसांना इजा होऊ शकते. डेअरी उत्पादनांमध्ये व्हिटामिन बी भरपूर प्रमाणात आढळते. याचा उपयोग केल्याने आपले केस बळकट होतात आणि अकाली पांढरे देखील होत नाहीत. केसांसाठी व्हिटामिन बी 6 आणि बी 12 देखील खूप महत्त्वाचे आहे. जेव्हा आपल्या शरीरात या व्हिटामिनची कमतरता असते, तेव्हा आपल्या केसांना ऑक्सिजनचा पुरवठा कमी होतो. फॉलीक अॅसिड आणि बायोटिनच्या कमतरतेमुळे आपले केस पांढरे होतात (Hair Care Tips for early white hairs).

अशा प्रकारे व्हिटामिनची कमतरता करा दूर…

ज्या लोकांचे केस पांढरे झाले आहेत त्यांनी शरीरातील व्हिटामिन बी, व्हिटामिन बी 6 आणि व्हिटामिन 12च्या कमतरतेकडे गांभीर्याने लक्ष दिले पाहिजे. दुधाच्या उत्पादनांद्वारे व्हिटामिन बीची कमतरता दूर केली जाऊ शकते. त्याचबरोबर व्हिटॅमिन बी 6 आणि व्हिटॅमिन बी 12 ची कमतरता दूर करण्यासाठी मोड आलेली कडधान्ये, मासे, कोंबडी, मांस, अंडी आणि हिरव्या पालेभाज्यांचे सेवन केले पाहिजे.

‘या’ गोष्टींचे सेवन करणेही आवश्यक!

चॉकलेट, मशरूम आणि डाळींचे सेवन केल्याने शरीरातील ‘कॉपर’ची कमतरता दूर होते. त्यांचे सेवन केल्यास आपल्या केसांना मोठ्या प्रमाणात फायदा होईल. स्ट्रॉबेरीमध्ये व्हिटामिन-सी असते. तसेच यामध्ये कोलेजेन देखील असते, जे म्हातारपणात केस पांढरे होण्यापासून प्रतिबंध करते. याव्यतिरिक्त अक्रोड आणि बदामांमध्ये तांबे आणि व्हिटामिन ई असते, जे आपल्या केसांसाठी तसेच आरोग्यासाठी लाभदायी ठरते.

(टीप : कोणत्याही उपचारांपूर्वी डॉक्टरांचा सल्ला अवश्य घ्यावा.)

(Hair Care Tips for early white hairs)

हेही वाचा :

Hair Mask | केस गळती, रुक्षपणा समस्या होणार दूर, ‘हा’ हेअर मास्क ठरेल केसांसाठी वरदान!https://t.co/eedFAgnEcM#HairCare #HairMask

— TV9 Marathi (@TV9Marathi) December 19, 2020