Hair Style | हिवाळ्याच्या दिवसांत ‘या’ हटके हेअर स्टाईल देतील ट्रेंडी लूक, केसांच्या समस्याही होतील कमी!

मुंबई : हिवाळ्यात, केसांमध्ये ओलावा कमी झाल्यामुळे केस बहुतेक वेळा तुटू लागतात. अशा स्थितीत केस खुले ठेवले तर, केस गळती वाढते. ज्यामुळे केस पातळ होऊ लागतात. तर, ही समस्या टाळण्यासाठी आज आम्ही तुम्हाला काही खास केशरचना सांगणार आहोत, ज्यामुळे तुमचा लुक स्टाईलिश आणि सुंदर दिसेल. तसेच, केस गळतीची समस्या कमी होतील (Winter Special Trendy stylish Hair Styles to prevent hairfall).

साईड पोनी

केशरचनेची सर्वात सोपी शैली साईड पोनी आहे. जेव्हा आपल्याला ऑफिस किंवा इतर कोणत्याही ठिकाणी जाण्याची घाई असेल, तेव्हा आपण पटकन साईड पोनी बांधू शकता. ही हेअर स्टाईल तयार करताना स्टाईलिश लुकसाठी, आपण आपल्या केसांच्या वरच्या बाजूस वेणी बांधू शकता किंवा अगदी सोपी सरळ पोनी बनवू शकता.

फिशटेल ब्रेड (वेणी)

फिशटेल ब्रेड ही हेअर स्टाईल खूप सुंदर आणि आकर्षक दिसते. खासकरून जर, आपण कुर्ती लेगिंग्ज किंवा सलवार सूट परिधान केला असेल तर ही हेअर स्टाईल आपला लूक अधिक उठावदार बनवते. परंतु, ही हेअर स्टाईल थोडी अवघड आहे. तसेच, ही हेअर स्टाईल करण्यासाठी थोडा जास्त कालावधी देखील लागतो. इंटरनेटवर व्हिडीओ पाहून आपण ही हेअर स्टाईल अधिक चांगल्या प्रकारे शिकू शकता (Winter Special Trendy stylish Hair Styles to prevent hairfall).

हाय पोनीटेल

हाय पोनीटेल ही हेअर स्टाईल सहसा सगळ्याच मुलींची आवडती केशरचना असते. विशेषत: जर तुमचे केस स्मूथ आणि सरळ असतील तर ही हेअर स्टाईल तुमच्यासाठी अगदी योग्य आहे. यासाठी तुम्हाला आपले केस एकत्र घेऊन साधा उंच पोनी बनवावा लागेल. जर आपले केस हलके आणि पातळ असतील तर मग, पोनी बांधताना एकदा कंगवा उलटा फिरवा. यामुळे केसांमध्ये व्हॉल्युम तयार होईल.

नॉट अपडू हेयर स्टाईल

आपण घाईत असाल परंतु हेअर स्टाईलशी तडजोड करू इच्छित नसाल, घाईतही आपल्याला हटके हेअर स्टाईल बनवायची असेल, तर नॉट अपडू हेयर स्टाईल आपल्यासाठी एक चांगला पर्याय आहे. यासाठी, आपल्याला आपले सगळे केस एकत्र करावे लागतील आणि ते मानेच्या खालच्या बाजूला नेऊन केस दोन भागांमध्ये विभाजित करावे लागतील. बुटांच्या लेस बांधल्याप्रमाणे केसांची एक गाठ बांधावी लागेल. ही हेअर स्टाईल बराच  काळासाठी टिकवण्यासाठी, आपण काही हेअर पिन किंवा हेअर स्प्रे देखील वापरू शकता.

(Winter Special Trendy stylish Hair Styles to prevent hairfall)

हेही वाचा :

Hair Mask | केस गळती, रुक्षपणा समस्या होणार दूर, ‘हा’ हेअर मास्क ठरेल केसांसाठी वरदान!https://t.co/eedFAgnEcM#HairCare #HairMask

— TV9 Marathi (@TV9Marathi) December 19, 2020