लठ्ठपणा कमी करायचा आहे? मग, नाश्त्यामध्ये ‘या’ पदार्थांचा समावेश करा!

हेल्दी आहार

मुंबई : सध्या वजन कमी करण्यासाठी अनेक उपाय केले जात आहेत. मात्र, म्हणावे तसे वजन कमी होत नाही. मग अनेकजण वजन कमी करण्यासाठी सकाळचा नाश्ता करणे बंद करतात. अनेकांना असे वाटते की, सकाळचा नाश्ता नाही केला तर आपले वजन नियंत्रणात राहिलं. मात्र, सकाळचा नाश्ता आपल्या शरीरासाठी अत्यंत आवश्यक महत्वाचा असतो. (If you want to reduce obesity, include these foods in your diet)

दही, प्रोटीन बार यांच्यात सॅच्युरेटेड फॅट्स आणि मीठ कमी असते. शिवाय प्रोटीन मुबलक प्रमाणात असतं म्हणून हे आरोग्यदायी मानले जाते. मात्र, नाश्त्यासाठी आरोग्यदायी समजल्या जाणाऱ्या पदार्थांचे अतिसेवन देखील तुमच्या वजनात घट करण्याऐवजी वाढच करू शकते. खरंतर हे पदार्थ इतर पदार्थांपेक्षा जास्त प्रक्रिया केले असतात. त्यांच्या साखरेचं प्रमाण देखील अधिक असतं. त्यामुळे लठ्ठपणा आणि कर्करोग असे अनेक आरोग्याचे प्रश्न तयार होऊ शकतात.

जर तुम्हाला दिवसाची सुरुवात हेल्दी नाश्त्याने करायची असेल तर, पनीर भुर्जी हा एक उत्तम पर्याय आहे. आपण पनीरमध्ये टोमॅटो, कांदा, शिमला मिरची टाकून त्याची भुर्जी बनवू शकता. या पनीर भुर्जीबरोबर मल्टीग्रेन ब्रेड खाऊ शकता. आपल्या सर्वांना माहित आहे की, अंड्यांमध्ये सर्वाधिक प्रथिने असतात. आपण त्यांना उकडून किंवा त्याची पोळी बनवून ब्रेडसह खाऊ शकता. अंड्यांमध्ये योग्य प्रमाणात प्रोटीन असते.

इडली ही दक्षिण भारतातला आवडता पदार्थ आहे. आपल्या दिवसाच्या निरोगी सुरुवात करण्यासाठी तांदूळ किंवा रव्याऐवजी ओट्स वापरुन गरमागरम इडली बनवू शकता. ओट्समध्ये प्रथिने तसेच फायबर भरपूर प्रमाणात असते. ही इडली सांबार आणि नारळ चटणीसह सर्व्ह करू शकता.जर आपण नेहमीच्या नाश्त्याचा कंटाळला असाल, तर उच्च प्रोटीनयुक्त आणि पौष्टिक असे, सोया उत्तपम बनवू शकता.

संबंधित बातम्या : 

Skin Care | नितळ-निरोगी त्वचेसाठी दररोज वापरा ‘ब्युटी ऑईल’, जाणून घ्या याचे फायदे…

कांद्याच्या सालीला कचरा समजताय? थांबा, आधी याचे फायदे जाणून घ्या…

(If you want to reduce obesity, include these foods in your diet)