उन्हाळ्यात डोळ्यांतून पाणी येतं? जळजळ होते? ‘या’ टिप्स फॉलो करा, आराम मिळेल…

मुंबई : उन्हाळा सुरू झाला की, वाढलेल्या तापमानाबरोबर अनेक समस्याही (Problems) सुरू होतात. दिवसभर एसीमध्येच पड़ून राहावे वाटते. परंतु, घराबाहेर पडल्याशिवाय काम कसे होतील ? अशा परिस्थितीत शरीराला थंडावा देणारी अनेक उत्पादने वापरणाऱयावर लोक भर देतात. पण डोळ्यांसाठी काही विशेष उपाय करू नये. त्यामुळे वारंवार पाणी येणे, जळजळ होणे (Inflammation), उष्णतेचा सामना करत डोळ्यांतून वेदना सुरू होतात. आणि या त्रासाला आपणच कारणीभूत आहोत हेही आपल्या लक्षात येत नाही. तुम्हाला माहित आहे का, की 100 सेकंद कोणत्याही अडथळ्याशिवाय सूर्यप्रकाशाकडे पाहिल्यास, दृष्टी नष्ट होऊ शकते. अशा परिस्थितीत उन्हाळ्यात सूर्याची किरणे खूप तीव्र असतात, त्यामुळे डोळ्यांना सुरक्षित ठेवण्यासाठी चष्मा लावणे योग्य ठरते. उन्हाळ्यात डोळ्यांची काळजी (Eye care) घेणे अधिक महत्त्वाचे असते.

डोळे पाण्याने धुण्यासोबतच हे उपाय देखील आवश्यक आहेत. स्वच्छतेसाठी दिवसातून 3-4 वेळा स्वच्छ आणि थंड पाण्याने डोळे धुण्यास सांगितले जाते. पण नुसते हे करणे पुरेसे नाही. याशिवाय काही संरक्षणाची देखील गरज आहे जसे की बाहेर जाताना गडद चष्मा लावणे, जास्त धूळ आणि घाण असलेल्या ठिकाणी जाणे टाळा.

पुरेसे पाणी पिणे महत्त्वाचे

डोळ्यांच्या आरोग्यासाठी योग्य प्रमाणात द्रवपदार्थाचे सेवन आवश्यक आहे. उन्हाळ्यात आपल्या डोळ्यातील अश्रूंची फिल्म बहुतेक वेळा बाष्पीभवन होत असल्याने, अधिक पाणी पिल्याने आपल्या शरीराला निरोगी प्रमाणात अश्रू तयार करण्यास मदत होते.

चेहऱ्यावर सनक्रीम लावताना काळजी घ्या

सन क्रीममध्ये एसपीएफ (सन प्रोटेक्शन फॅक्टर) जास्त प्रमाणात असते. ते डोळ्यात गेल्यास त्रास होऊ शकतो, म्हणून सनक्रीम लावतांना सावधगिरी बाळगा. उन्हाळ्यात, सूर्याची किरणे अधिक तीव्र असतात, ज्यामुळे शरीराच्या थेट संपर्कात येणारे भाग प्रभावित होतात. त्याचा परिणाम डोळ्यांवर तसेच त्वचेवर दिसून येतो, त्यामुळे शक्यतो उन्हात बाहेर जाणे टाळा. याशिवाय जेव्हाही बाहेर जाल तेव्हा डोळ्यांजवळचा घाम पुसण्यासाठी स्वच्छ कपडा सोबत ठेवा.

चेहऱ्याला पुन्हा पुन्हा हात लावू नका

दिवसभरात आपला हात किती गोष्टींना स्पर्श करतो, ज्यावर अनेक प्रकारचे जंतू असू शकतात हे माहित नाही. अशा परिस्थितीत हात धुतल्याशिवाय चेहरा आणि डोळ्यांना लावू नये.

नियमित तपासणी आवश्यक

नियमित तपासणी भविष्यात तुम्हाला आरोग्याशी संबंधित अनेक समस्यांपासून वाचवू शकते. डोळ्यांसारख्या संवेदनशील अवयवाचा विचार केला तर अजिबात संकोच नसावा. अशा परिस्थितीत उन्हाळा येण्यापूर्वी नेत्रतज्ज्ञांकडून तपासणी करून घेणे हा एक चांगला निर्णय ठरू शकतो.