रोगांपासून नेहमी दूर राहायचंय? मग आहारात नक्की समाविष्ट करा ‘भेंडीची भाजी’!

भेंडीची भाजी आपल्या सर्वांना माहिती आहे. भेंडी खाणे आपल्या आोरग्यासाठी अत्यंत फायदेशीर आहे.

  • टीव्ही 9 मराठी डिजीटल टीम
  • Published On - 8:21 AM, 7 Apr 2021
रोगांपासून नेहमी दूर राहायचंय? मग आहारात नक्की समाविष्ट करा 'भेंडीची भाजी'!
भेंडी

मुंबई : भेंडीची भाजी आपल्या सर्वांना माहिती आहे. भेंडी खाणे आपल्या आरोग्यासाठी अत्यंत फायदेशीर आहे. भेंडीची भाजी करण्यासाठी वेळसुद्धा खूप कमी लागतो. मात्र, तुम्हाला हे माहिती आहे का? की, वजन कमी करण्यासाठी भेंडी फायदेशीर आहे. दररोज पाच कच्चा भेंडी खाल्ल्यातर आपले वजन कमी होण्यास मदत होते. मात्र, कच्ची भेंडी ज्यांना खाणे शक्य नाही ते भेंडी थोडीशी शिजवून देखील खाऊ शकतात. (Eating okra is beneficial for health)

-भेंडीमध्ये कॅल्शियम, लोह, मॅग्नेशियम ही जीवनसत्त्वे मोठ्या प्रमाणात असतात. यामुळे भेंडीची भाजी खाल्ल्याने आपल्या शरीराला अनेक फायदे होतात.

-भेंडीमध्ये युगेनॉल मोठ्या प्रमाणाच आढळते. हे डायबिटीजच्या रुग्णांसाठी उपयुक्त आहे. भेंडी खाल्ल्याने शरीरात ग्लुकोजचे प्रमाण नियंत्रित राहते.

-भेंडी खाण्याचा सर्वात मोठा फायदा म्हणजे आपल्या आतड्यामधील विषारी तत्व बाहेर पडतात. यामुळे तुमचे आतडे चांगले राहण्यास मदत होते.

-भेंडीमध्ये विटामिन सी देखील आढळते. यामुळे रोगप्रतिकारशक्ती वाढण्यास मदत होते आणि आजारांपासून सुटका होते.

-मधुमेह असणाऱ्या व्यक्तींनी अर्धवट शिजवलेली भेंडीची भाजी खायला हवी. यात भरपूर प्रमाणात फायबर असतं. यामुळे रक्तातील शर्करा नियंत्रणात राहण्यास मदत होते.

-भेंडीमुळे मेंदूचे कार्य देखील सुरळीत सुरू राहतं. यामुळे लहान मुलांच्या मेंदूच्या वाढीसाठीही भेंडी उपयुक्त आहे. लहान मुलांना कमीत-कमी आठवड्यातून दोनदा भेंडीची भाजी खाण्यासाठी दिली पाहिजे.

(टीप : कोणत्याही उपचारांपूर्वी डॉक्टरांचा सल्ला अवश्य घ्यावा.)

संबंधित बातम्या : 

Weight Loss Drinks | स्लिम-ट्रिम दिसण्याची इच्छाय? मग, झोपण्यापूर्वी प्या ‘हे’ हेल्दी ड्रिंक्स!

Milk | गाय की म्हैस, आपल्या आरोग्यासाठी कोणते दूध अधिक फायदेशीर? जाणून घ्या..

(Eating okra is beneficial for health)