Spinach Soup : आजारांपासून दूर राहण्यासाठी होममेड पालक सूप प्या आणि निरोगी आयुष्य जगा!
पालक खाल्ल्याने संसर्गाचा धोका कमी होतो. पालकमध्ये व्हिटॅमिन सी आणि बीटा कॅरोटीन सारखे पोषक असतात. याशिवाय यात पोटॅशियम आणि फोलेट असते. जे हृदय निरोगी ठेवतात. त्यात असलेले अँटीऑक्सिडंट्स कोलेस्टेरॉलचे हानिकारक ऑक्सिडेशन रोखण्यास मदत करतात.
मुंबई : पालक आपल्या आरोग्यासाठी अत्यंत आरोग्यदायी आहे. यात अनेक पोषक घटक असतात. पालक लोह, कॅल्शियम, सोडियम, क्लोरीन, फॉस्फरस, खनिजे, प्रथिने, व्हिटॅमिन ए आणि व्हिटॅमिन सी सारख्या पोषक घटकांने समृद्ध आहे. आपण ते अनेक प्रकारे वापरू शकता. आपण पालकचा सूप देखील बनवू शकतो. (Spinach soup is extremely beneficial for health)
पालक सूप एक स्वादिष्ट सूप रेसिपी आहे. हे एक निरोगी आणि क्रीमयुक्त डिश आहे. ही रेसिपी बनवणे अगदी सोपे आहे. आपण हे आपल्या निरोगी आहारात समाविष्ट करू शकता. त्याची रेसिपी जाणून घेऊया.
पालक सूप साहित्य
-पालक – 4 कप
-मैदा- 2 चमचा
-लोणी – 2 चमचा
-पाणी – 2 कप
-काळी मिरी – 1 चिमूटभर
-चिरलेला कांदा – 1
-दूध – 1 कप
-फ्रेश क्रीम – 1 चमचा
-मीठ – 1/2 चमचा
पालक सूप कसा बनवायचा
1 स्टेप
पालकची पाने धुवून जाड देठ काढा. पालक नीट शिजत नाही तोपर्यंत त्यांना सुमारे 8 मिनिटे उकळा.
स्टेप – 2
ब्लेंडरमध्ये बारीक करा, बाजूला ठेवा. एक पॅन घ्या आणि त्यात लोणी गरम करा.
स्टेप – 3
चिरलेला कांदा घाला आणि मध्यम आचेवर सुमारे 3 मिनिटे तळून घ्या, कांद्याला तपकिरी रंग येईपर्यंत.
स्टेप – 4
आता त्यात पालक प्युरी, दूध, मीठ आणि मिरपूड घाला.
स्टेप – 5
कमी गॅसवर सुमारे 3 मिनिटे उकळवा. सर्व्ह करण्यापूर्वी फ्रेश क्रीम घाला.
पालक आरोग्यासाठी फायदेशीर
पालक खाल्ल्याने संसर्गाचा धोका कमी होतो. पालकमध्ये व्हिटॅमिन सी आणि बीटा कॅरोटीन सारखे पोषक असतात. याशिवाय यात पोटॅशियम आणि फोलेट असते. जे हृदय निरोगी ठेवतात. त्यात असलेले अँटीऑक्सिडंट्स कोलेस्टेरॉलचे हानिकारक ऑक्सिडेशन रोखण्यास मदत करतात. पालकमध्ये कॅल्शियम आणि अँटिऑक्सिडंट गुणधर्म असतात. यामुळे हाडे मजबूत होण्यास मदत होते. हे हाडे कमकुवत होण्यापासून वाचवते.
पालकमध्ये मॅग्नेशियम असते. हे आपल्या शरीराला ऊर्जावान ठेवते. पालक खाल्याने आपली रोगप्रतिकारक शक्ती मजबूत राहते. पालक पोट निरोगी ठेवते. पालक शरीरातील विषारी पदार्थ काढून टाकतात. पालकच्या सेवनाने बद्धकोष्ठतेची समस्या दूर होते. पालकाचे सेवन अनेक प्रकारच्या कर्करोगाशी लढण्यास मदत करते. त्यात फ्लेव्होनॉइड्स आणि अँटिऑक्सिडेंट गुणधर्म आहेत. हे कर्करोगाचा धोका कमी करण्यास मदत करतात.
संबंधित बातम्या :
Weight Loss Drinks | स्लिम-ट्रिम दिसण्याची इच्छाय? मग, झोपण्यापूर्वी प्या ‘हे’ हेल्दी ड्रिंक्स!
Milk | गाय की म्हैस, आपल्या आरोग्यासाठी कोणते दूध अधिक फायदेशीर? जाणून घ्या..
Health care | सकाळी अनवाणी पायांनी गवतावर चालणे आरोग्यासाठी लाभदायी, वाचा याचे फायदे… https://t.co/xnbkgfB8Ea #HealthTips | #Barefoot | #HealthCare
— TV9 Marathi (@TV9Marathi) February 24, 2021
(Spinach soup is extremely beneficial for health)
