Metabolism Booster : शरीराचं ‘मेटाबॉलिजम’ वाढवायचंय? मग, ‘या’ 4 गोष्टी नक्की लक्षात ठेवा!

मुंबई : मेटाबॉलिजम (Metabolism) अर्थात चयापचयाचा दर जितका जास्त असेल, तितक्या जास्त कॅलरीज तुम्ही बर्न करू शकाल. आपण जितक्या जास्त कॅलरी बर्न करता, तितके आपले वजन कमी होते. उच्च चयापचय दर असेल तर आपण उत्साही राहता आणि दिवसभर आपल्याला ताजेतवाने वाटते. रोग टाळण्यासाठी, आपण आपल्या चयापचयकडे अर्थात मेटाबॉलिजमकडे लक्ष देणे महत्वाचे आहे.

शरीरातील अन्नाचे ऊर्जेमध्ये रूपांतर होण्याला मेटाबॉलिजम म्हणतात. अन्न पचवण्यासाठी, रक्त परिसंवादासाठी आणि श्वासोच्छ्वास आणि हार्मोनल शिल्लक सारख्या कार्यासाठी शरीराला ऊर्जेची आवश्यकता असते, जी त्याला अन्नातून मिळते. ही ऊर्जा मेटाबॉलिजममधून येते. मेटाबॉलिजम जितके चांगले असेल तितके तुम्ही अधिक उत्साही राहाल.

आपला दिवस लवकर सुरू करा

दिवसाची सुरुवात निरोगी मार्गाने करण्यासाठी, रात्री चांगली झोप घ्या. चांगल्या दर्जाची झोप वजन कमी करण्यास मदत करू शकते. हे आपल्याला व्यस्त वेळापत्रकातही ऊर्जा देते. नाश्ता करण्यापूर्वी, आपले आरोग्य आणि निरोगीपणासाठी बॉडी स्ट्रेचिंग करा.

कार्यालयीन वेळेतही सक्रिय रहा

बहुतेक लोकांसाठी, ऑफिसचे काम त्यांच्या दिवसातील बहुतेक वेळ घेते. घरी येईपर्यंत, ते इतके थकले असतात की, त्यांच्याकडे जिममध्ये जाण्याची उर्जा उरत नाही. अशा परिस्थितीत, आपले मेटाबॉलिजम संतुलित राखण्यासाठी कामावर सक्रिय राहण्याचा प्रयत्न करा. दिवसभर मिनी-अॅक्टिव्हिटीसाठी ब्रेक घ्या. नियमितपणे चालणे केवळ वजन कमी करण्यासाठीच नव्हे, तर कामावर लक्ष केंद्रित करण्याची क्षमता वाढवण्यासाठी देखील उपयुक्त आहे. दुपारच्या जेवणात पौष्टिक अन्न खा. प्रथिने आणि इतर चयापचय वाढवणारे घटक आहारात घ्या. विचार न करता कोणताही नाश्ता करू नका. जास्त चिप्स, चॉकलेट्स, केक आणि कँडीज खाणे टाळा.

योग्य अन्न खा

असे काही पदार्थ आहेत, जे तुम्हाला अधिक कॅलरी बर्न करण्यास मदत करू शकतात. अन्न चघळणे, पचवणे आणि साठवण्याच्या प्रक्रियेत आपल्या शरीराला कॅलरीज बर्न करणे आवश्यक आहे. जास्त प्रथिने असलेले अन्न पचायला जास्त ऊर्जा लागते. अन्नामध्ये अधिक मसाले वापरणे हा अधिक कॅलरी बर्न करण्याचा आणखी एक मार्ग आहे. प्रथिने आणि फायबर समृध्द अन्न खाल्ल्याने काही तासांसाठी भूक कमी होते, ज्यामुळे अति खाण्याची इच्छा कमी होते. चयापचय राखण्यासाठी, आपण डाळी आणि संपूर्ण धान्य, अंडी, बीन्स, काळी मिरी, एवोकॅडो, कॉफी आणि आले इत्यादि घटक आहारात घेऊ शकता.

व्यायाम

मेटाबॉलिजम वाढवण्यासाठी व्यायाम हा सर्वात प्रभावी मार्ग आहे. व्यायामामुळे तुमचे मेटाबॉलिजम काही तासांपर्यंत सक्रिय होऊ शकते. जर तुम्ही शारीरिक व्यायामात नवीन असाल, तर नवशिक्या म्हणूनही व्यायाम करण्याचे बरेच फायदे आहेत. व्यायामामुळे शरीराची शक्ती वाढण्यास, कॅलरीज बर्न करण्यास आणि आपले आरोग्य सुधारण्यास मदत होते.

हेही वाचा :

तळणीच्या तेलाचा पुन्हा-पुन्हा वापर करताय? मग, आधी जाणून घ्या याचे गंभीर दुष्परिणाम…

त्वचेशी संबंधित समस्यांपासून मुक्त होण्यासाठी फळांपासून बनवलेले फेसपॅक वापरा!