पावसाळ्यात खोकला आणि सर्दीची समस्या सारखी सतावतेय? तर आजीच्या बटव्यातील ‘हा’ काढा तुम्हाला देईल त्वरित आराम
पावसाळा ऋतू जितका आल्हाददायक असतो तितकाच तो सर्दी, खोकला आणि फ्लू सारख्या समस्या घेऊन येतो. अशातच तुम्हीही आजारी पडले आहेत का? तर दररोज औषधे घेण्यापूर्वी काही घरगुती उपाय करून पहायचे असतील, तर आजींनी सुचवलेला हा एक काढा बनवून प्या.
पावसाळ्यात आर्द्रता आणि तापमानातील चढउतारांमुळे विषाणू वाढत असतात. त्यात या दिवसांमध्ये आपली रोगप्रतिकारशक्ती कमकुवत होताच, आपण पावसाळी आजारांना बळी पडतो. ज्यामुळे नाक वाहणे, घसा खवखवणे, खोकला आणि सौम्य ताप या समस्या सारख्या सतावत असतात. अशातच आपण डॉक्टरांचा सल्ला घेत औषध घेत असतो. पण कधी कधी आपल्याला काही घरगुती उपायांची आवश्यकता असते जे नैसर्गिकरित्या आपली प्रतिकारशक्ती वाढवतात आणि या लक्षणांपासून आराम देखील देतात. जर तुम्ही देखील औषधांऐवजी घरगुती उपाय करण्याचा विचार करत असाल तर आम्ही तुम्हाला आजीच्या बटव्यातील सर्दी, खोकला आणि तापापासून आराम मिळण्यासाठी या काढ्याबद्दल सांगणार आहोत.
आजीच्या बटव्यातील काढा
हा काढा केवळ चवीच्या बाबतीतच नाही तर आरोग्याच्या बाबतीतही अतुलनीय आहे. तर हा काढा बनवण्यासाठी तुम्हाला जास्त काही गोष्टींची आवश्यकता नाही आणि तुम्हाला त्या तुमच्या स्वयंपाकघरात सहज मिळतील.
काढा बनवण्यासाठी लागणारे साहित्य
आले: 1 इंचाचा तुकडा – आल्यामध्ये दाहक-विरोधी गुणधर्म असतात जे घसा खवखवणे आणि सूज कमी करतात.
तुळशीची 8-10 पाने – तुळस ही रोगप्रतिकारक शक्ती वाढवणारी आहे आणि त्यात विषाणूविरोधी गुणधर्म आहेत.
काळी मिरी 4-5 – हे कफ कमी करण्यास आणि घशाला आराम देण्यास मदत करतात.
लवंगा 2-3 लवंगा – लवंगामध्ये अँटीसेप्टिक गुणधर्म भरपूर असतात आणि ते वेदनांपासून आराम देतात.
मध 1 चमचा (आवश्यकतेनुसार) – मध घशाला आराम देते आणि खोकला कमी करते.
पाणी: 2 कप
गूळ: लहान तुकडा – गूळ शरीराला उबदारपणा प्रदान करतो.
काढा बनवण्याची रेसिपी
सर्वप्रथम, एका भांड्यात 2 कप पाणी टाकून ते गरम करा. पाण्यात आले बारीक किसून टाका, त्यानंतर त्यात तुळशीची पाने, काळी मिरी आणि लवंग टाका. आता हे पाणी अर्धे होईपर्यंत सुमारे 10-15 मिनिटे उकळवा. यामुळे सर्व घटकांचे अर्क पाण्यात चांगले मिक्स होईल. जर तुम्हाला या काढा गोडवा हवा असल्यास तुम्ही गूळ मिक्स करू शकता. आता हे मिश्रण गाळून घ्या आणि ते कोमट झाल्यावर त्यात एक चमचा मध टाका.
काढा पिण्याचे आश्चर्यकारक फायदे
या काढ्यामुळे घसा खवखवणे, खोकला आणि बंद नाकापासून त्वरित आराम मिळतो. त्यात असलेले तुळस, आले आणि काळी मिरी सारखे घटक तुमची रोगप्रतिकारक शक्ती वाढवतात, ज्यामुळे तुम्ही रोगांशी लढण्यास अधिक सक्षम बनता. हा काढा पूर्णपणे नैसर्गिक आहे आणि त्याचे सेवन केल्याने कोणतेही दुष्परिणाम तुमच्या शरीराला होत नाहीत. हा काढा शरीराला आतून उबदार करतो, जो थंड पावसाळ्यात खूप आवश्यक असतो.
कधी आणि किती प्यावे?
तुम्ही हा काढा दिवसातून दोनदा पिऊ शकता, शक्यतो सकाळी आणि झोपण्यापूर्वी. लहान मुलांना ते देण्यापूर्वी डॉक्टरांचा सल्ला घ्या.
(डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)
