कमालच झाली, मांसाहारी थाळीपेक्षा शाकाहारी थाळी महागली,काय झाले नेमके ?
ताज्या अहवालातून हे स्पष्ट होते की, गेल्या वर्षीच्या तुलनेत यावेळी खाद्यपदार्थांचे जर नियंत्रणात असले तरी, जुलै महिन्यात टोमॅटोची आवक घटल्याने आणि त्यामुळे अचानक किंमतीत झालेली वाढ यामुळे शाकाहारी थाळी अंमल महागली आहे.
जुलै महिन्यात पुन्हा एकदा स्वयंपाक घराचे बजेट बिघडले आहे. बटाटा, कांदा आणि टॉमेटो यासारख्या बेसिक भाज्यांच्या किंमतीत वाढ झाल्याने शाकाहारी थाळी महागली आहे. रेटिंग एजन्सी क्रिसिल (CRISIL)ने अलिकडेच ब्रेड राईस रेट रिपोर्टनुसार महिने दर महिना आधाराने व्हेज थाळीचा दर वाढला आहे. तर चिकनच्या किंमती कमी झाल्याने मांसाहारी थाळी थोडी स्वस्त झाली आहे.
क्रिसिलच्या आकडेवारीनुसार घरात तयार होणारी शाकाहारी थाळीच्या सरासरी किंमत जून मध्ये २७.१ रुपये होती. जी जुलैमध्ये ४ टक्के वाढून २८.१ रुपयांवर पोहचली आहे. हा इंडेक्स देशाच्या चारही भागातील (उत्तर, दक्षिण, पूर्व आणि पश्चिम) मधील कच्चा मालाच्या किंमतीवर आधारे सरासरी खर्च निश्चित करतो. या उलट ब्रॉयलर चिकनचे दर कमी झाल्याने मांसाहारी थाली जूनच्या ५४.८ रुपयांच्या तुलनेत २ टक्के स्वस्त होऊन जुलैमध्ये ५३.५ रुपये झाली आहे.
भले गेल्या महिन्याच्या तुलनेत व्हेज थाळी महाग झाली असेल मात्र गेल्या वर्षीच्या जुलै महिन्याशी तुलना केली तर सर्व सामान्य जनतेला दिलासा मिळाला आहे. गेल्यावर्षीच्या जुलैच्या तुलनेत या वर्षी शाकाहारी थाळी १४ टक्के आणि मांसाहारी थाळी सुमारे १३ टक्के स्वस्त झाली आहे. यामुळे स्पष्ट होते की गेल्यावर्षीच्या जादा दराच्या तुलनेत यावेळी खाण्यापिण्याच्या वस्तूंचे दर खूपच नियंत्रणात आहेत.
टोमॅटो झाला ‘लाल’
शाकाहारी थाळीचे दर वाढण्यामागे सर्वात मोठे कारण म्हणजे टोमॅटोच्या दरात झालेली मोठी वाढ आहे. जुलै महिन्यात बाजारात टोमॅटोच्या आवकमध्ये २७ टक्के घसरण झाली. त्यामुळे टोमॅटोच्या किंमतीत अचानक ३१ टक्के वाढ नोंदली गेली. ही दरवाढ मान्सूनच्या हवामानात दरवर्षी होणाऱ्या पुरवठा संकटाला पुन्हा दर्शवते. याशिवाय बटाटाच्या किंमतीत २ टक्के त आणि कांद्याच्या किंमतीत ५ टक्के वाढ झाल्याने सर्वसामान्य कुटुंबाचे मासिक बजेटवर दबावाला आणखीन वाढवले आहे.
जुलैमध्ये झालेल्या भाववाढीनंतरही गेल्या वर्षीच्या तुलनेत प्रमुख भाज्यांचे दर खूपच नियंत्रणात आहेत. उदाहरणार्थ टोमॅटोच्या किंमती वार्षिक आधारे ३६ टक्के कमी राहिल्या आहेत. गेल्या वर्षी जुलैमध्ये टोमॅटो ६६ रुपये प्रति किलो पोहचला होता. या वर्षी तो ४२ रुपये प्रति किलोग्रॅमच्या आसपास राहिला आहे.
