एसटी महामंडळात एकाच वेळी ११ अधिकारी निलंबित,कामचुकार अधिकाऱ्यात हडकंप…

एसटी महामंडळाच्या नाशिक विभागीय कार्यालयाच्या ११ अधिकाऱ्यांचे तडकाफडकी निलंबन करण्यात आल्याने महामंडळात खळबळ उडाली आहे. कामात हलगर्जी केल्याचा ठपका ठेवत ही कारवाई करण्यात आल्याने कामचुकार अधिकारी आणि कर्मचाऱ्यांचे धाबे दणाणले आहेत. एसटी महामंडळाचे भाडेवाढ झाल्यानंतरही उत्पन्न कमी झाले आहे. त्यामुळे कामात हलगर्जी करणाऱ्यांची काही खैर नाही असे म्हटले जात होते. आता अधिकाऱ्यांवर एकाच वेळी कारवाई झाल्यानंतर आता कोणाची बारी येणार या धास्तीने कर्मचारी कामाला लागले आहे.

कारवाई झालेल्या ११ अधिकाऱ्यात क्लास वनचे तिघा अधिकाऱ्यांचा समावेश असल्याने बड्या अधिकाऱ्यांपासून ते साध्या कर्मचाऱ्यांपर्यंत सर्वांमध्ये भीती पसरली आहे. एसटी महामंडळाच्या प्रवासी भाड्यात वाढ होऊनही गेले दोन सिझन प्रवासी उत्पन्न कमी होत चालले आहे. नुकतेच परिवहन मंत्री प्रताप सरनाईक यांनी कारवाई करण्याचे आदे दिले आहे. मात्र, आता दुसऱ्याच दिवशी एकाच वेळी 11 अधिकारी निलंबित झाल्याने खळबळ उडाली आहे.या कारवाईच्या बडग्यात क्लास वनचे 3 अधिकारी आणि क्लास टूचेआठ अधिकाऱ्यांचा समावेश आहे.

एसटी महामंडळातील या कर्मचाऱ्यांवर त्यांच्या कामात हलगर्जीपणा आढळल्याने ही निलंबनाची कारवाई करण्यात आली आहे. यात कारवाईत दोन डेपो मॅनेजरसह नऊ अधिकाऱ्यांवर निलंबनाची कुऱ्हाड कोसळली आहे.दहा जून रोजी एसटी महामंडळाच्या मुख्य कार्यालयातील दोन अधिकाऱ्यांच्या समितीकडून इन्स्पेक्शन करण्यात आले होते. माहिती तंत्रज्ञानचे महाव्यवस्थापक आणि नियोजन अधिकारी या दोन सदस्यांच्या समितीने केले होते.

पोस्टाद्वारे नोटीस पाठवण्यात येणार

इन्स्पेक्शन दरम्यान कामात हलगर्जीपणा केल्याचे आढळल्याने नाशिक विभागातील एसटी महामंडळाच्या कार्यालयातील विविध विभागात कार्यरत असणाऱ्या 11 अधिकाऱ्यांचे निलंबन करण्यात आले आहे. महामंडळाच्या वरिष्ठ स्तरावरून आलेली निलंबनाची ऑर्डर न स्वीकारल्यास त्यांना पोस्टाद्वारे नोटीस पाठवण्यात करण्यात येणार आहे. कारवाईमुळे एसटी महामंडळाच्या विभागीय कार्यालयातील कामकाजही देखील ठप्प झाल्याची चर्चा आहे.