ती महिला नव्हे तर एक.. आरोपीने लोकलमधील पीडितेबाबत सांगितली धक्कादायक माहिती, पोलिस तपासात वेगळे वळण..

मुंबई लोकलमधील धक्कादायक व्हिडीओ व्हायरल झाला. त्या व्हिडीओमध्ये चक्क एक व्यक्ती आपल्या कंबरेचा बेल्ट काढून एका महिलेच्या दिशेने धावून गेला. शिवीगाळही करण्यात आला. तो तेवढ्यावरच थांबत नाही तर तिच्या कानाखाली अनेकदा मारतानाही दिसला. आजूबाजुला मोठी गर्दी होती. मात्र, उपस्थित असलेल्यांपैकी एकही जण पुढे येऊन त्या महिलेला वाचवताना दिसले नाही. ज्यावेळी महिलेवर बेल्ट काढून तो व्यक्ती मारण्यासाठी तिच्याकडे धावून जात आहेत, त्यावेळी डाव्या बाजूला उभ्या असलेल्या व्यक्तीकडून घटना कॅमेऱ्यात कैद करण्यात आली. महिलेला शिवीगाळ होत होता, त्यावेळी दोन तरूण शेजारी बसलेले होते. मात्र, यात कोणीही पडले नाही. सर्वांची फक्त बघ्याची भूमिका घेतली. हा व्हिडीओ सोशल मीडियावर व्हायरल होताच लोकांमध्ये प्रचंड संताप बघायला मिळाला.

पोलिसांनी व्हायरल व्हिडीओनंतर महिलेला मारहाण करणाऱ्याचा शोध घेत 12 तासात व्यक्तीला अटक केली. या व्हिडीओची तूफान चर्चा असून महिलांच्या सुरक्षेचा प्रश्न ऐरणीवर आला. मिळालेल्या माहितीनुसार, ही घटना अंधेरीच्या परिसरात घडली. लोकलमध्ये एका महिलेच्या सीटवर झोपण्यावरून हा प्रकार घडला आणि वाद झाला. महिलेसोबत वाद झाला आणि तिला शिवीगाळ करत तिच्यावर बेल्ट काढून उगारण्यात आला.

कानाखालीही देण्यात आली. अटक करण्यात आलेल्या आरोपीकडून हैराण करणारा दावा करण्यात आला. आरोपीचे म्हणणे आहे की, ती महिला नसून ती एक ट्रान्सजेंडर होती. ज्यानंतर पोलिसही चक्रावले. मात्र, आरोपी हा स्वत:चा बचाव करण्यासाठी असे खोटे बोलत असल्याचे स्पष्ट काही वेळातच झाले.

Mumbai लोकल का ये नया व्हिडिओ हैं. मैं मुंबईवाला हुं, लेकीन शर्म आती है, इस आदमी को किसी ने रोका कैसे नहीं. खुलेआम लोकल ट्रेन में एक लडकी को बेल्ट से मारणे की धमकी, उसपर हाथ उठाना. पिछले दोन महिने से ऐसी तीन घटनाये लोकल मे हुई है. एक लडके का खुलेआम लोकल में खून हुआ था. pic.twitter.com/SEEGtLc2bF

— Umesh kumawat (@umeshk73) August 7, 2026

पोलिसांनी तपास केला असता आणि त्या महिलेचा शोध घेतला असता ती ट्रान्सजेंडर नसून महिला असल्याचेच स्पष्ट झाले. ती एक नेपाळी महिला आहे. जीआरपीकडून त्या महिलेचा शोध घेण्यात आला. काही व्हिडीओमध्ये तो व्यक्ती महिलेला मारहाण करतानाही व्हिडीओमध्ये स्पष्ट दिसत आहे. आता महिलेला मारहाण करणाऱ्या या आरोपीवर काय कारवाई होते, हे पाहण्यासारखे ठरणार आहे.