या कंपनीनं केली वादग्रस्त जाहिरात, खासदार अनिल बोंडे यांचे आरोप काय?
जोड्याची जाहिरात करताना हिंदू देवांची फोटो वापरल्याने हिंदूच्या भावना दुखावल्या आहेत.
स्वप्निल उमप, Tv9 मराठी, प्रतिनिधी, अमरावती : मेट्रो आणि मोची या दोन कंपनीने नवरात्रीमध्ये बूट आणि चप्पलची जाहिरात केली. त्यात दुर्गा देवीचा फोटो वापरला हे चुकीचे आहे. फेसबुकवरील बुटाच्या जाहिरात वर देवीचा फोटो लावून हिंदू देवतांचा अपमान केला आहे, अशी टीका खासदार अनिल बोंडे यांनी केली. अनिल बोंडे म्हणाले, मेट्रो आणि आणि मोची कंपनीची ही जाहिरात आहे. तक्रार करूनही त्यांनी माफी मागितली नाही. इमेल करूनही कारवाई केली नाही.
जोड्याची जाहिरात करताना हिंदू देवांची फोटो वापरल्याने हिंदूच्या भावना दुखावल्या आहेत. मोची आणि मेट्रो कंपनी उत्पादन खरेदी करू नका. सर्व उत्पादन खरेदी करू नका, असं आवाहन अनिल बोंडे यांनी केलं आहे.
संपर्क करूनही प्रतिसाद नाही
मेट्रो कंपनीची ही जाहिरात अजितपाल मोंगा, तुषार वानखेडे आणि पंकज निखार या तिन्ही हिंदू मुलांच्या लक्षात आली. त्यानंतर संबंधितांशी संपर्क करण्यात आला. परंतु, त्यांच्याकडून कोणताही प्रतिसाद नाही.
संबंधितांनी माफी मागितली नाही. जाहिरात फेसबूकवर कायम ठेवली. मेट्रो कंपनीचे फराह भांजी यांनासुद्धा ईमेलवरून तक्रार करण्यात आला. जोड्याची जाहिरात करताना हिंदू देवतांचा अपमान करणाऱ्या कंपनीवर कारवाई झाली पाहिजे.
दुकानं बंद करण्याचा इशारा
मोची आणि मेट्रो कंपनीच्या सर्व उत्पादनावर बहिष्कार टाकावा. अमरावतीतील ही दुकानं बंद करू, असा इशारा अनिल बोंडे यांनी पत्रकार परिषदेतून दिला आहे.
पोलिसांत तक्रार करणार आहोत. या कंपनीच्या चपला, जोडे यासाठी फोटो वापरला. त्यावर बहिष्कार टाकावा. टाळं फासणार, असल्याचं अनिल बोंडे म्हणाले. तक्रारीच्या दखल घेऊन कारवाई करावी, अशी मागणी राज्याच्या गृहमंत्र्यांना करणार असल्याचं ते म्हणाले.