Corona | पुण्यात कोरोनाबाधितांची संख्या वाढली, राज्यातील रुग्णांची संख्या 33 वर

पुण्यामध्ये एक कोरोनाग्रस्त रुग्ण आढळल्याने राज्यातील कोरोना बाधितांची संख्या आता 33 वर पोहोचली आहे.

त्यामुळे अशा काळात स्वत:चा या कोरोना विषाणूपासून बचाव करणे हा एकमात्र पर्याय आहे. त्यासाठी स्वच्छता पाळणे अत्यंत महत्त्वाचे आहे.

Nupur Chilkulwar | Edited By: | Updated on: Mar 15, 2020 | 7:52 PM

औरंगाबाद : जगभरात हाहा:कार माजवणाऱ्या (pune Corona Positive Case) कोरोनाची देशासह राज्यातही दहशत पसरली आहे. पुण्यात आणखी एक कोरोनाग्रस्त रुग्ण आढळल्याने राज्यातील कोरोना बाधितांची संख्या आता 33 वर पोहोचली आहे. तर पुण्यात कोरोना रुग्णांची संख्या 15 वरुन 16 झाली आहे.

औरंगाबादेत आज दुपारी 59 वर्षीय महिला कोरोना पॉझिटिव्ह असल्याचं निष्पन्न झालं होतं. ही महिला रशिया आणि कझाकिस्तानचा दौरा करुन (pune Corona Positive Case) आली होती. सध्या तिच्यावर उपचार सुरु आहेत. त्या पाठोपाठ पुण्यातही आज आणखी एक कोरोनाचा रुग्ण आढळला आहे.

हेही वाचा : इटलीत अडकलेले 218 भारतीय मायदेशी, ‘इथे’ होणार रवानगी

औरंगाबाद आणि पुण्याच्या रुग्णानंतर राज्यात कोरोनाची लागण झालेल्या (Aurangabad Corona Positive Case) रुग्णांची संख्या 33 वर येऊन पोहोचली आहे. त्यासोबतच महाराष्ट्र देशात सर्वाधिक कोरोनाचे रुग्ण असलेलं राज्य ठरलं आहे. तर, दुसऱ्या क्रमांकावर केरळ आहे. केरळमध्ये कोरोनाचे 22 रुग्ण आहेत. कुटुंब आणि आरोग्य कल्याण मंत्रालयाच्या सध्याच्या आकडेवारीनुसार, सध्या संपूर्ण देशात 108 कोरोनाबाधित रुग्ण आहेत. त्यातील 33 रुग्ण हे महाराष्ट्रातील आहेत.

कोरोना बाधितांच्या संख्येत दररोज वाढ होत आहे. त्यामुळे महाराष्ट्राचा धोका वाढत आहे. ही चिंतेची बाब आहे. कोरोना विषाणूचा संसर्ग पसरु नये यासाठी राज्य सरकारकडून कठोर निर्णय घेतले जात आहेत. अनेक जिल्ह्यांमध्ये आपत्ती व्यवस्थापन कायदा लागू करण्यात आला आहे. तर मुंबईतही कलम 144 लागू करण्यात आलं आहे. तसेच, राज्यातील शाळास कॉलेज, जिम, मॉल, चित्रपट गृह हे 31 मार्चपर्यंत बंद ठेवण्याचे आदेश देण्यात आले आहेत.

कोरोनाचे कुठे किती रुग्ण?