Aurangabad | बंडखोराचं औरंगाबादेत इनकमिंग सुरू, वैजापुरात रमेश बोरनारेंचं तगडं शक्तिप्रदर्शन, भूमरेही पैठणमध्ये!

वैजापुरात आज शेकडो शिवसेना कार्यकर्ते रस्त्यावर उतरले होते. एकनाथ शिंदेंच्या नावाने त्यांनी घोषणाबाजी केली. यावेळी आमदार रमेश बोरनारे यांनी सर्व समर्थकांनी केलेले स्वागत स्वीकारले.

Aurangabad | बंडखोराचं औरंगाबादेत इनकमिंग सुरू, वैजापुरात रमेश बोरनारेंचं तगडं शक्तिप्रदर्शन, भूमरेही पैठणमध्ये!
Follow us
| Updated on: Jul 05, 2022 | 5:07 PM

औरंगाबादः एकनाथ शिंदे (Eknath Shinde) यांच्यासोबत बंड पुकारलेल्या औरंगाबादमधील आमदार आता स्वगृही परतू लागलेत. आज सुरुवातीला वैजापूरचे आमदार रमेश बोरनारे (Ramesh Bornare) हे मतदार संघात पोहोचले. रमेश बोरनारे यांच्या स्वागतासाठी वैजापूरात (Vaijapur) शिवसेना कार्यकर्त्यांनी मोठी तयारी केली. वैजापूरात त्यांची मोठी विजयी रॅली काढण्यात आली. शिवसेनाच नव्हे तर भाजपच्या कार्यकर्त्यांनी वैजापुरातील या रॅलीत सहभाग नोंदवला. एकनाथ शिंदे आणि देवेंद्र फडणवीस यांच्या नेतृत्वात महराष्ट्रात शिवसेना-भाजप युतीचे सरकार स्थापन झाल्याबद्दल कार्यकर्त्यांनी जोरदार घोषणाबाजी केली. तर पैठणमध्ये आमदार संदिपान भूमरे यांच्या स्वागतासाठीही शिवसेना कार्यकर्त्यांनी मोठी तयारी केली.

15 दिवसानंतर औरंगाबादेत

विधानपरिषद निवडणुकीच्या निकालानंतर एकनाथ शिंदेंसोबत गेलेल्या आमदारांचे फोन नॉट रिचेबल होते. त्यानंतर काही दोनच दिवसात औरंगाबादेतून या बंडात पाच आमदार सहभागी झाल्याचे उघड झाले. यात संजय शिरसाट, अब्दुल सत्तार, संदिपान भूमरे, रमेश बोरनारे आणि प्रदीप जैस्वाल यांचा सहभाग होता. शिवसेना पक्षप्रमुख यांना महाविकास आघाडी तोडण्याची विनंती बंडखोर आमदारांनी केली. तसेच भाजपाशी युती करण्याची मागणी केली. मात्र उद्धव ठाकरेंनी ही विनंती न ऐकल्यामुळे बंडखोर आमदारांनी शिवसेनेचाच दुसरा गट स्थापन करत भाजपसोबत हातमिळवणी करत सरकार स्थापन केले. मुख्यमंत्री एकनाथ शिंदे यांची काल विधानसभेत बहुमत चाचणी झाली. शिंदे यांनी विश्वासमत जिंकल्यानंतर आता राज्यभरातील आमदार आता स्वगृही परतत आहेत. आमदार रमेश बोरनारे यांचंही वैजापुरात जंगी स्वागत झालं. यावेळी बोरनारेंनी मोठं शक्ती प्रदर्शन केलं.

राऊतांनी बाप काढयला नको होता..

वैजापुरात आज शेकडो शिवसेना कार्यकर्ते रस्त्यावर उतरले होते. एकनाथ शिंदेंच्या नावाने त्यांनी घोषणाबाजी केली. यावेळी आमदार रमेश बोरनारे यांनी सर्व समर्थकांनी केलेले स्वागत स्वीकारले. माध्यमांना प्रतिक्रिया देताना मात्र त्यांनी आपल्या भावना व्यक्त केल्या. ते म्हणाले, ‘ उद्धव साहेब राजीनामा देत होते तेंव्हा माझ्या डोळ्यात पाणी येत होते. पण आमचा नाईलाज होता. संजय राऊतांनी आमचा बाप काढायला नको होता. राऊतांनी असे शब्द वापरल्यानंतर त्याचे परिणाम होणारच ना.. आमचा बाप काढल्यावर उठाव होणार नाही का ? आम्ही राऊतांना राज्यसभेला मतदान केले मात्र त्यांनी साधे आभारही मानले नाही, अशी टीका रमेश बोरनारे यांनी केली.

पैठणमध्ये संदिपान भूमरेचं आगमन

दरम्यान, संध्याकाळी पाच वाजेच्या सुमारास पैठणचे आमदार संदिपान भूमरे यांच्याही स्वागताची जंगी तयारी करण्यात आली. संदिपान भूमरेही काही वेळातच पैठणमध्ये दाखल होत आहेत.

Non Stop LIVE Update
मविआ 48 जागा लढणार आणि त्या जिंकणार, संजय राऊत यांचा आत्मविश्वास
मविआ 48 जागा लढणार आणि त्या जिंकणार, संजय राऊत यांचा आत्मविश्वास.
काँग्रेसच्या 5 जागी मैत्रीपूर्ण लढती ? कोणत्या जागांवर काँग्रेस ठाम?
काँग्रेसच्या 5 जागी मैत्रीपूर्ण लढती ? कोणत्या जागांवर काँग्रेस ठाम?.
आगे आगे देखो..., अंबादास दानवे यांचा उल्लेख करत काय केलं सूचक वक्तव्य?
आगे आगे देखो..., अंबादास दानवे यांचा उल्लेख करत काय केलं सूचक वक्तव्य?.
संजय राऊत आघाडीत बिघाडी करीत आहेत, प्रकाश आंबेडकर यांचा थेट आरोप
संजय राऊत आघाडीत बिघाडी करीत आहेत, प्रकाश आंबेडकर यांचा थेट आरोप.
प्रकाश आंबेडकर यांची मोठी रणनिती, नव्या आघाडीबद्दल दिले संकेत; म्हणाले
प्रकाश आंबेडकर यांची मोठी रणनिती, नव्या आघाडीबद्दल दिले संकेत; म्हणाले.
उदयनराजे यांच्या विरोधात पवार कोणाला देणार तिकीट ? काय म्हणाले पवार ?
उदयनराजे यांच्या विरोधात पवार कोणाला देणार तिकीट ? काय म्हणाले पवार ?.
वसंत मोरे वंचितच्या तिकिटावर लोकसभा निवडणूक लढणार?
वसंत मोरे वंचितच्या तिकिटावर लोकसभा निवडणूक लढणार?.
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?.
आता नाही तर कधी ? हातकणंगलेतून लढण्याचा राहुल आवाडे यांचा निर्धार
आता नाही तर कधी ? हातकणंगलेतून लढण्याचा राहुल आवाडे यांचा निर्धार.
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ.