जितेंद्र आव्हाड यांच्या विरोधात ‘या’ शहरात भाजप आक्रमक; फोटो फाडून केला निषेध

छत्रपती संभाजी नगर : राष्ट्रवादी काँग्रेसचे नेते आमदार जितेंद्र आव्हाड यांनी सनातन धर्माविषयी वक्तव्य केल्यानंतर आता भाजप आक्रमक झाला आहे. त्यामुळे भाजपकडून ठिकठिकाणी त्यांच्या वक्तव्याचा निषेध व्यक्त करून काही ठिकाणी त्यांचे फोटोही फाडण्यात आले आहेत. त्यामुळे भाजप आता आक्रमक होत जितेंद्र आव्हाड यांनी केलेल्या वक्तव्याचा निषेध व्यक्त केला जात आहे.

राष्ट्रवादी काँग्रेसचे आमदार जितेंद्र आव्हाड यांच्याकडून सनातन धर्मावर वारंवार टीका केली जात असते. तशीच टीका त्यांनी कालही केली होती.

सनातन धर्म हा देशाला लागलेली कीड आहे या त्यांच्या वक्तव्यावरून महाराष्ट्रात जोरदार खळबळ उडाली आहे.त्यांच्या याच वक्तव्यावरून छत्रपती संभाजीनगरमधील भाजप युवा मोर्चाच्या कार्यर्त्यांनी जितेंद्र आव्हाड यांचा त्यांचे फोटो फाडून त्यांचा निषेध व्यक्त केला आहे. त्यामुळे आता छत्रपती संभाजीनगरमध्ये जितेंद्र आव्हाड यांच्याविरोधात संतप्त प्रतिक्रिया उमटत आहेत.

सनातन धर्म ही देशाला लागलेली कीड आहे जितेंद्र आव्हाड यांच्या या वक्तव्यामुळे छत्रपती संभाजीनगर मध्ये फोटो फाढण्यात आले आहेत.

जितेंद्र आव्हाड यांनी केलेल्या वादग्रस्त विधानानंतर भाजप युवा मोर्चा आक्रमक झाला आहे. त्यामुळे त्यांच्या निषेधाच्याही घोषणा देऊन त्यांच्यावर जोरदार टीका केली आहे.

छत्रपती संभाजीनगरच्या क्रांती चौकात जितेंद्र आव्हाड यांचे फोटो फाडून त्यांच्याविषयीचा राग व्यक्त करण्यात आला आहे. यावेळी पोलिसांमध्ये आणि भाजप युवा मोर्चाच्या कार्यकर्त्यांमध्ये झटापट झाल्याचेही सांगण्यात आले आहे.

छत्रपती संभाजीनगरमध्ये भाजप युवा मोर्चाच्या कार्यकर्त्यांनी जितेंद्र आव्हाड यांचे फोटो फाडल्याने काही काळ तणावाचे वातावरण निर्माण झाले होते.  भाजपच्या कार्यकर्त्यांनी जोरजोरात घोषणा दिल्याने पोलीस आणि कार्यकर्त्यांमध्ये तणावाचे वातावरण निर्माण झाले होते.