Leopard: शिकारीसाठी झाडावर चढलेल्या बिबट्याचा फांदीत अडकून मृत्यू, औरंगाबादच्या आमदाबाद शिवारातील घटना

औरंगाबादमधील कन्नड तालुक्यातील शिवारात बिबट्याचा मृतदेह आढळून आला. वनविभागाच्या अधिकाऱ्यांनी बिबट्याचा मृतदेह फांदीवरून काढला. शिकारीच्या शोधात झाडावर चढला असताना त्याचा मृत्यू झाला असावा, असा अंदाज अधिकाऱ्यांनी वर्तवला आहे.

Leopard: शिकारीसाठी झाडावर चढलेल्या बिबट्याचा फांदीत अडकून मृत्यू, औरंगाबादच्या आमदाबाद शिवारातील घटना

औरंगाबादः शिकारीसाठी झाडावर चढलेल्या बिबट्याचा (Leopard) फांदीत अडकून मृत्यू झाल्याची घटना औरंगाबाद जिल्ह्यातील कन्नड जवळच्या जंगलात घडली आहे. कन्नड तालुक्यातील आमदाबाद शिवारात ही घटना घडली असून झाडाला अडकलेल्या बिबट्याला पाहून गावकरी भयभीत होत आहेत. गेल्या काही दिवसांपासून या परिसरात बिबट्याची दहशत निर्माण झाली आहे.

आमदाबाद शिवारात घटना

औरंगाबाद जिल्ह्यातील प्रसिद्ध गौताला अभयारण्याजवळ आमदाबाद शिवार आहे. चार दिवसांपूर्वी याच परिसरात एका विहिरीत बिबट्या आढळला होता. गावकऱ्यांनी तत्काळ वन विभागाला त्यासंदर्भात माहिती दिली होती. वनविभागाच्या अधिकाऱ्यांनीदेखील विहिरीत पडलेल्या बिबट्याला वर काढून पिंजऱ्यात जेरबंद केले होते. त्यानंतर काहीच लगेच झाडावरील फांदीवर अशा रितीने बिबट्याचा मृतदेह आढळून आला.

झाडाला लटकलेल्याअवस्थेत मृतदेह

झाडाच्या फांदीला बिबट्याचा मृतदेह आढळल्याची माहिती गावकऱ्यांनी वन विभागाला दिली. अधिकाऱ्यांनी या ठिकाणची पाहणी केली असता, प्रथम दर्शनी हा बिबट्या शिकार करण्यासाठी झाडावर चढला असावा आणि तेथेच फांदीत अडकल्याने त्याचा मृत्यू झाला असावा असा अंदाज व्यक्त केला गेला आहे.
इतर बातम्या- 

Published On - 6:37 pm, Thu, 2 December 21

Click on your DTH Provider to Add TV9 MARATHI