अंबा साखर कारखाना पवारांच्या घशात घालण्याचा डाव, माजी आमदार माणिक जाधव यांचा आरोप

बीडः  मराठवाड्यातील दुसऱ्या क्रमांकाचा म्हणून अंबा सहकारी साखर कारखान्याची ओळख आहे. याच अंबाजोगाई येथील अंबा सहकारी साखर कारखान्याने यापूर्वी साखर कारखान्याचे 25 एकर जमीन विकली आहे आणि आता पंधरा वर्षासाठी हा साखर कारखाना खासगी कंपनीला चालवण्यासाठी देऊन हा साखर कारखाना पवारांच्या (Sharad Pawar) घशात घालण्याचा डाव असल्याचा आरोप कामगार नेते आणि माजी आमदार माणिकराव जाधव (Manikrao Jadhav) यांनी केला आहे. ते अंबा सहकारी साखर कारखान्याच्या परिसरामध्ये आयोजित ऊस उत्पादक शेतकरी आणि कामगारांच्या बैठकीत बोलत होते.

शेतकरी, कामगारांच्या बैठकीत काय चर्चा?

ऊस उत्पादक शेतकऱ्यांच्या व कामगारांच्या थकीत पैशा संदर्भात व अंबासाखर कारखाना विनाविलंब चालू झाला पाहिजे आदी मुद्यांवर या बैठकीत चर्चा करण्यात आली. 4 महिन्यांपासून शेतकरी व कामगारांच्या प्रश्नांवर येथील कारखाना प्रशासनाने व संचालक मंडळाने कुठलीही दखल न घेतल्याने शेतकरी व कामगार आक्रमक झाले आहेत. अंबाजोगाई सहकारी साखर कारखान्याच्या चालू होत असलेल्या गळीत हंगामात कुठलाही प्रकारचा अडथळा न येऊ देता तो कारखाना सुरळीत चालला पाहिजे. तसेच तो कारखाना विद्यमान संचालक मंडळानेच सक्षम पद्धतीने चालवला पाहिजे, कोणत्याही खाजगी एजन्सीला अथवा त्रयस्थ व्यक्तीला कारखाना भाड्याने अथवा विक्री करून चालवायला देऊ नये, विद्यमान संचालक मंडळाला कारखाना चालू करण्यास काही अडचणी असतील तर आम्ही त्यास सर्वतोपरी मदत करू असा विश्वास माजी आमदार माणिक राव जाधव यांनी व्यक्त केला आहे.

सोयाबीन प्रमाणेच तुरीच्या नुकसानीची मिळेल का भरपाई, शेतकऱ्यांचे लक्ष सरकारच्या निर्णयाकडे..! https://t.co/8FkZbgZ3pl#Kharifseason #UNtimelyRain #Farmer #Compensation

— TV9 Marathi Live (@tv9_live) January 6, 2022

इतर बातम्या-

PM Security Breach: पंजाब पोलिसांकडून गुप्तचर विभागाच्या माहितीकडे दुर्लक्ष, ब्ल्यू बुक नियमांकडे कानाडोळा; केंद्रीय गृहमंत्रालयाने ठेवलं बोट

PM Security Breach: पंजाबचे पोलीस महासंचालक, मुख्य सचिवांना निलंबित करा; सर्वोच्च न्यायालयात याचिका