बीडमध्ये रुग्णवाहिकेचा अपघात, भरधाव कारची धडक, एक ठार, 3 जखमी, केजमध्ये पिकअप रिक्षा उलटला
बीडः मंगळवारी बीडमधून कोल्हापूरकडे जाणाऱ्या भरधाव वेगातील कारने रुग्णवाहिकेला जबरदस्त धडक दिल्याने अपघात झाला. ही रुग्णवाहिका नगरवरून बीडकडे जात होती. या अपघातात कारमधील एक जण जागीच ठार झाला तर अन्य तिघेजण गंभीर जखमी झाले. जखमींना अहमदनगर येथे उपचारांसाठी दाखल करण्यात आले. अवधूत नंदकुमार गरगटे असे अपघातात मृत्यू झालेल्या व्यक्तीचे नाव आहे. आष्टी तालुक्यातील सुर्डीजवळ हा […]
बीडः मंगळवारी बीडमधून कोल्हापूरकडे जाणाऱ्या भरधाव वेगातील कारने रुग्णवाहिकेला जबरदस्त धडक दिल्याने अपघात झाला. ही रुग्णवाहिका नगरवरून बीडकडे जात होती. या अपघातात कारमधील एक जण जागीच ठार झाला तर अन्य तिघेजण गंभीर जखमी झाले. जखमींना अहमदनगर येथे उपचारांसाठी दाखल करण्यात आले. अवधूत नंदकुमार गरगटे असे अपघातात मृत्यू झालेल्या व्यक्तीचे नाव आहे. आष्टी तालुक्यातील सुर्डीजवळ हा अपगात झाला.
पुण्याला रुग्ण घेऊन जात होती रुग्णवाहिका
मंगळवारी नगरहून बीडकडे एक रुग्णवाहिका जात होती. मात्र समोरून येणाऱ्या भरधाव कारने सुर्डी फाट्यावरील वळणावर येताच समोरासमोर दोन्ही वाहनांची धडक होऊन अपघात झाला. अपघातात अवधूत गरगटे या कारमधील प्रवाशाचा जागीच मृत्यू झाला तर अन्य तिघे गंभीर जखमी झाले.
केज तालुक्यातही गंभीर अपघात
अन्य एका अपघातात, पिकअपचालक दत्तात्रय हे मेंढ्या घेऊन अहमदनगरहून मुरुड येथील आठवडी बाजाराला जात होते. मंगळवारी पहाटे पिकअप हा केज-मांजरसुबा रस्त्यावरील उमरी फाट्याजवळ आला असता अचानक रस्त्यावरून उलटला. या अपघातात चालक दत्तात्रय पांढरे याच्या डोक्याला मार लागला असून काही मेंढ्याही जखमी झाल्या. या अपघाताचे कारण अद्याप समजू शकले नाही.
इतर बातम्या
भाजपच्या ‘सरकारी’ दहशतवाद्यांशी आम्ही पुरलो आहोत, ममता बॅनर्जी आणि संजय राऊत भेटीत एकीवर चर्चा!
हार्बर आणि पश्चिम रेल्वेवरील प्रवाशांचा मनस्ताप कमी होणार, पनवेल ते गोरेगाव थेट लोकल सुरु
