अर्बन को-ऑपरेटिव्ह बँकेच्या सहा संचालकांचे राजीनामे; राजीनामे देण्याचे कारण काय?

भंडारा : भंडारा अर्बन को ऑपरेटिव्ह बँकेतील संचालक मंडळ २०१५ मध्ये सत्तेवर आले. त्यांचा कार्यकाळ हा जून २०२० मध्ये संपला. कोरोना संक्रमणामुळे निवडणुका पुढे ढकलण्यात आल्या. अजूनही त्या झाल्या नाहीत. त्यामुळे विरोधी गटाच्या संचालकांमध्ये धुसफूस सुरू होती. २०२० मध्ये तत्कालीन अध्यक्ष महेश जैन यांनी राजीनामा दिला. त्यानंतर माजी मंत्री नाना पंचबुद्धे यांना अध्यक्ष बनवण्यात आले. २०२० मध्येच चिंतामण मेहर आणि विलास काटेखाये यांनी राजीनामा दिला होता.

प्रशासक नेमण्याची शक्यता

जयंत वैरागडे, रामदास शहारे, दिनेश गिऱ्हेपुंजे आणि ज्योती बावनकर यांना अपात्र ठरवण्यात आले. सध्या संचालक मंडळात सात सदस्य राहिले. त्यामुळे ही बँक अल्पमतात आलीय. बँकेवर प्रशासन नेमला जाण्याची शक्यता आहे.

आर्थिक निर्णय बोर्डाच्या मंजुरीशिवाय नाही

यासंदर्भात बोलताना बँकेचे अध्यक्ष नाना पंचबुद्धे म्हणाले, बँकेतील कोणतेही आर्थिक निर्णय हे बोर्डाच्या मंजुरीशिवाय होत नाहीत. वकिलांच्या फीसवरून राजीनामे देणारे संचालक बोर्डात होते. बोर्डाच्या अधीन राहुनच निर्णय घेण्यात आला. भविष्यात आपण अपात्र होणार अशी भीती त्यांना वाटत असावी, त्यामुळे त्यांनी राजीनामे दिले असावेत. पण, यामुळे कुणीही कारवाईतून सुटणार नसल्याचंही पंचबुद्धे यांनी सांगितलं.

भंडारा अर्बन को ऑपरेटिव्ह बँकेच्या सहा तसंचालकांनी गुरुवारी सामूहिक राजीनामे दिले आहेत. विदर्भातील पाच जिल्ह्यांमध्ये कार्यक्षेत्र आणि पाचशे कोटी रुपयांवर ठेवी असलेली ही बँक आहे. यापैकी पाच संचालकांनी अध्यक्ष नाना पंचबुद्धे यांच्याकडे तर एका संचालकांना नागपूर विभागीय सहनिबंधकाकडे राजीनामा दिला आहे.

वकिलांच्या फीसवर अतिरिक्त खर्च

यामुळे 19 संचालक मंडळ असलेल्या बँकेतील राजकारण अस्थिर झाले आहे. वकिलांच्या फीसवर अतिरिक्त खर्च झाल्याचे कारण दाखवत संचालकांनी राजांनी दिले आहेत. 19 संचालक असलेल्या या बँकेत राजकारण मागील तीन वर्षापासून ढवळून निघाले आहे.

यांनी दिले राजीनामे

राजीनामा देणाऱ्यांमध्ये माजी अध्यक्ष महेश जैन, हिरा बांगडकर, लीलाधर वाडिभस्मे, कविता लांजेवार आणि गोपिचंद थवानी यांचा समावेश आहे. उदय मोगलेवार यांनी विभागीय सहनिबंधकांकडे राजीनामा दिला.