मुंबई महापालिकेची रणनीती आज ठरणार! युतीत भाजप आणि बाळासाहेबांच्या शिवसेनेसोबत आणखी कोणते पक्ष?

गिरीश गायकवाड, मुंबई : महापालिका निवडणुका जाहीर होण्याची शक्यता असल्याने सर्वच राजकीय पक्षांची तयारी सुरू झाली आहे. त्याच पार्श्वभूमीवर भाजप आणि बाळसाहेबांची शिवसेना म्हणजेच शिंदे गटाची आज मुंबई येथे बैठक होणार आहे. मुंबई महापालिका निवडणुकीसाठी भाजप आणि बाळासाहेबांची शिवसेना पक्षाची जय्यत तयारी केली जात आहे. मुख्यमंत्री एकनाथ शिंदे आणि उपमुख्यनंत्री देवेंद्र फडणवीस यांच्या उपस्थित सह्याद्री अथितिगृहात मुंबईतील सर्व खासदार आणि आमदारांची बैठक होणार आहे. या बैठकीत मुंबई महापालिका निवडणुकीसदर्भात रणनिती ठरवील जाणार आहे. भाजप आणि बाळासाहेबांची शिवसेना पक्ष येणारी मुंबई महापालिका निवडणुक एकत्र लढणार यांचे स्पष्टं संकेत यानिमित्ताने दिसून येत आहे. या युतीत आणखी कुणाला सहभागी करायचे, यावरही चर्चा होणार आहे. अन्न मराठा संघटनांना सोबत घेण्याचा मुख्यमंत्र्यांचा मानस असल्याची माहिती सूत्रांनी दिली आहे. त्यामुळे एकूणच निवडणुकीचे पडघम वाजू लागले आहे.

येत्या काळात येणाऱ्या निवडणुका बघता भाजप आणि बाळसाहेबांची शिवसेना यांच्या युतीकडून एकत्रित निवडणुका लढविल्या जाण्याची शक्यता वर्तवली जात आहे.

भाजप आणि बाळासाहेबांची शिवसेना यांच्या युतीत कुणाला सहभागी करून घ्यायचे याबाबत आज होणाऱ्या बैठकीत चर्चा होणार आहे.

शिवसेना फूटीनंतर होणारी मुंबई महानगर पालिकेची ही पहिलीच निवडणूक असल्याने शिंदे गटासाठी आणि भाजपसाठी ही निवडणूक महत्वाची मानली जात आहे.

महानगर पालिकेच्या निवडणुका लढवत असतांना काय रणनीती असावी यासाठी आज होणाऱ्या बैठकीत खासदार, आमदार आणि पदाधिकारी यांचीही उपस्थिती असणार आहे.

मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्या उपस्थित ही बैठक सह्याद्री अतिथीगृह येथे ही बैठक पार पडत आहे.

त्यामुळ भाजप आणि बाळासाहेबांच्या बैठकीत युतीत आणखी कोण सहभागी होणार आहे ? एकत्रित निवडणुकांचे जागा वाटप कसे होणार आहे ? याकडे सर्वांचेच लक्ष लागून आहे.