उमेदवारी अर्ज भरताना आई-वडिलांची अनुपस्थिती, सुजय विखे गहिवरले

अहमदनगर : भाजपचे अहमदनगरचे उमेदवार डॉ. सुजय विखे पाटील यांनी शक्तीप्रदर्शन करत उमेदवारी अर्ज दाखल केला. पण त्याअगोदर टीव्ही 9 मराठीशी बोलताना त्यांनी भावूक प्रतिक्रिया दिली. यावेळी तुम्हाला कोणाची आठवण येते असे विचारताच आई-वडिलांच्या आठवणीने त्यांना गहिवरून आलं. अर्ज दाखल करताना आजोबा आणि आई-वडिलांची आठवण येते. मात्र माझ्या सोबत असलेले असंख्य कार्यकर्ते हेच माझे आई-वडील …

sujay vikhe nagar south, उमेदवारी अर्ज भरताना आई-वडिलांची अनुपस्थिती, सुजय विखे गहिवरले

अहमदनगर : भाजपचे अहमदनगरचे उमेदवार डॉ. सुजय विखे पाटील यांनी शक्तीप्रदर्शन करत उमेदवारी अर्ज दाखल केला. पण त्याअगोदर टीव्ही 9 मराठीशी बोलताना त्यांनी भावूक प्रतिक्रिया दिली. यावेळी तुम्हाला कोणाची आठवण येते असे विचारताच आई-वडिलांच्या आठवणीने त्यांना गहिवरून आलं. अर्ज दाखल करताना आजोबा आणि आई-वडिलांची आठवण येते. मात्र माझ्या सोबत असलेले असंख्य कार्यकर्ते हेच माझे आई-वडील आहेत, असं भावनिक वक्तव्य सुजय विखे पाटील यांनी केलं.

जिल्ह्यातून हजारोंच्या संख्येने कार्यकर्ते आलेत. कै. बाळासाहेब विखे पाटील यांनी जे प्रेम दिलं ते आधारस्तंभ आमच्यासोबत आज नाहीत. द्वेषाच्या राजकारणामुळे माझ्या आई वडिलांना येता आलं नाही. माझे काका या ठिकाणी आले आहेत. पण आई-वडील नसल्याची सल मनात आहे. पक्ष कुटुंब म्हणून काम करतील आणि आई वडिलांची कमी पडणार नाही. मी आई वडिलांना भेटायला गेलो, आशीर्वाद घेतला. मुलगा या नात्याने मी आशीर्वाद घेऊन आलो, असंही सुजय विखे म्हणाले.

त्याआधी ग्रामदेवता विशाल गणपतीची आरती करून सुजय विखेंनी पूजा केली. शिवाय छत्रपती शिवाजी महाराज, डॉ. बाबासाहेब आंबेडकर, महात्मा जोतिबा फुले यांना अभिवादन केलं. अर्ज भरण्याच्या वेळी त्यांनी मोठं शक्तिप्रदर्शन केलं. यावेळी जिल्ह्यातील भाजपचे सर्व लोकप्रतिनिधी उपस्थित होते. जलसंपदा मंत्री गिरीश महाजन, पालकमंत्री राम शिंदे, पशुसंर्धन मंत्री महादेव जानकर, विधानसभा उपाध्यक्ष विजय औटी, शिवसेना उपनेते अनिल राठोड, खा. दिलीप गांधी, आ. शिवाजीराव कर्डिले, आ. स्नेहलता कोल्हे, आ. मोनिका राजळे, बबनराव पाचपुते, भाजप जिल्हाध्यक्ष भानुदास बेरड, शिवसेना जिल्हाप्रमुख शशीकांत गाडे, रावसाहेब खेवरे, अभय आगरकर, शिवसेना, भाजपसह सर्व मित्र पक्षांचे पदाधिकारी उपस्थित होते.

विशेष म्हणजे नाराज असलेले खासदार दिलीप गांधी देखील सुजय विखेंचा उमेदवारी अर्ज दाखल करताना उपस्थित होते. 1 एप्रिलचा मुहूर्त साधत सुजय विखे पाटील यांनी आपला उमेदवारी अर्ज दाखल केला. महाराष्ट्रात भाजप आणि शिवसेना युतीचे उमेदवार भरघोस मतांनी निवडून येणार असून देशात पुन्हा एकदा भारतीय जनता पार्टी आणि मित्रपक्षाची एक हाती सत्ता येणार असल्याचा विश्वास मंत्री गिरीश महाजन यांनी बोलून दाखवला.

VIDEO : आई-वडिलांच्या अनुपस्थितीवर सुजय विखे काय म्हणाले?

कमेंट करा

कमेंट करा

Your email address will not be published. Required fields are marked *