Buldana Accident: अपघाताचा फटका बसताच 12 म्हशींनी जागीच प्राण सोडला! ट्रक-ट्रेलरचा भीषण अपघात

बुलढाणा : आयशर ट्रक आणि ट्रेलरच्या भीषण अपघात (Buldana Road Accident) झाला. या अपघातामध्ये तब्बल 12 म्हशी जागीच दगावल्या. या घटनेनं हळहळ व्यक्त होतेय. या अपघातात आयशर ट्रकचा अक्षरशः चेंदामेंदा झाला. हा अपघात इतका भीषण होता की ट्रेलरमधील 16 पैकी 12 म्हशीच जागीच ठार (12 Buffalos killed) झाल्यात. तर 4 म्हशी या गंभीर जखमी आहेत. मुंगसरी फाट्यावर हा भीषण अपघात घडला. या अपघातातील जखमींवर रुग्णालयात उपचार सुरु आहेत. बुलडाणा जिल्ह्यातील चिखली मेहकर रोडवरील (Chikhali Mehkar Road in Buladana) मुंगसरी फाट्यावर ही दुर्दैवी घटना घडली. या अपघाताची माहिती मिळाल्यानंतर तत्काळ लोकांनी अपघाताच्या ठिकाणी धाव घेतली. तसंच रुग्णवाहिलेकाही पाचारण करण्यात आलं. यानंतर जखमींनी तत्काळ रुग्णालयात उपचारासाठी नेण्यात आलंय. उभ्या ट्रेलरचा भरधाव आयशर टेम्पोनं धडक दिल्यामुळे हा अपघात घडला.

लोखंडी सळ्यांनी घात…

बुलडाणा जिल्ह्यातील चिखली- मेहकर रोडवरील मुंगसरी फाट्याजवळ मेहकर वरून चिखली कडे म्हशी घेऊन एक आयशर ट्रक जात होता. या आयशर ट्रकनं उभ्या असलेल्या ट्रेलरला जोरदार धडक दिली. उभ्या असलेल्या ट्रेलरला धडक देता धडकी भरवणारा आवाज झाला. उभ्या असलेल्या ट्रेलरमध्ये लोखंडी सळई भरलेल्या होत्या. त्यामुळे या अपघाताची भीषणता अधिकच वाढली!

मार बसताक्षणी प्राण गेला!

या अपघातामध्ये एकाचा मृत्यू झाला आहे. तर दोघेजण गंभीर जखमी झालेत. जखमींवर रुग्णालयात उपचार सुरु आहेत. तर याच घटनेत 12 म्हशी मृत झाल्यात. चार म्हशी जखमी झाल्या असून त्यांच्यावरही उपचार सुरु आहेत. अपघातावेळी झालेली धडक इतकी भयंकर होती, की गाडीमधील 12 म्हशींचा जोरदार मार बसून त्यांचा जागीच जीव गेला.

स्थानिकांचं बजावकार्य

या घटनेची माहिती मिळताच, जाणाऱ्या येणाऱ्या प्रवाशांनी तत्काळ जखमींना बाहेर काढलं आणि उपचारासाठी रुग्णलयात पोहोचवलं. म्हशी घेऊन जाणारा ट्रक हा औरंगाबादला जात असल्याची प्राथमिक माहिती आहे.

इतर बातम्या :

उन्हाळा, उष्णता अन् भारनियमन; संतप्त नगरसेवकाकडून वीज वितरण कार्यालयाची तोडफोड

सांगलीत पोलिस हवालदाराची गळफास घेऊन आत्महत्या, कारण अद्याप अस्पष्ट

महिलांवरती बलात्कार करण्याची उघडपणे धमकी, व्हिडीओच्या आधारे महंतांवर पोलिस ठाण्यात तक्रार दाखल

पाहा Video : महाराष्ट्रातील मोठी बातमी : एसटी कर्मचाऱ्यांचा संप पुन्हा चिघळला?